சிவகார்த்திகேயன், யோகிபாபு உட்பட 128 கலைஞர்களுக்கு விருதுகளை வழங்கினார் முதலமைச்சர்.!

நடிகர் சிவகார்த்திகேயன், நடிகை ஐஸ்வர்யா ராஜேஷ், யோகி பாபு உட்பட திரைப்பட கலைஞர்களுக்கு தமிழ்நாடு அரசின், கலைமாமணி விருதுகள் வழங்கப்பட்டன. சென்னை தலைமைச் செயலகத்தில் நடைபெற்ற விழாவில் முதலமைச்சர் எடப்பாடி பழனிசாமி திரைப்பட கலைஞர்களுக்கு விருதுகளை வழங்கினார்.

நடிகர் யோகிபாபு, பாடகி சுஜாதா, விசுவல் எடிட்டர் ஆண்டனி, மற்றும் நகைச்சுவை நடிகை மதுமிதா, இசையமைப்பாளர் இமான், திரைப்பட தயாரிப்பாளர் ஐசரி கணேஷ் நடிகை சங்கீதா உட்பட நடிகர்களுக்கு விருதுகள் வழங்கப்பட்டன. அதே போன்று ஜெ.ஜெயலலிதா சிறப்பு கலைமாமணி விருதுகள், நடிகைகள் சரோஜா தேவி, சௌகார் ஜானகி, பழம்பெரும் பாடகி பி.சுசிலா உள்ளிட்டோருக்கு விருதுகள் வழங்கப்பட்டது. 

மேலும், பாரதி விருது சுகி சிவத்திற்கும், எம்.எஸ்.சுப்புலட்சுமி விருது வாணி ஜெயராமுக்கும், ஒரு லட்ச ரூபாய் காசோலையுடன் வழங்கப்பட்டன. விருதை பெற்றுக் கொண்டவர்கள் தமிழக அரசுக்கு நன்றியை தெரிவித்துக்கொண்டனர்.