பரிசு தருவதாக கூறி 11 வயது சிறுமியை சிதைத்த 'மர்மநபர்' - உயிருக்கு போராடும் சிறுமி

மேற்கு வங்க மாநிலம் பாசிர்ஹாட் மாவட்டத்தில் 11 வயது சிறுமியை அவரது உறவினரின் காதலன் ஷஹர் அலி சதார் என்பவர் பாலியல் பலாத்காரம் செய்து சிதைத்த சம்பவம் அதிர்ச்சியை ஏற்படுத்தியுள்ளது.

நெஹல்பூரில் வசிக்கும் சிறுமி மாத்தியா கிராமத்தில் உள்ள தனது அத்தை வீட்டிற்கு சென்றுள்ளார். உறவினரின் சகோதரி அந்த சிறுமியை தனது காதலன் ஷஹர் அலி சதாருக்கு அறிமுகப்படுத்தியுள்ளார். பின்னர், 11 வயது சிறுமி காணாமல் போனார்.

இரவு ஆகியும் குழந்தை வீடு திரும்பாததால், குடும்பத்தினர் தேடுதல் வேட்டை நடத்தி, மறுநாள் காலை போலீசில் புகார் செய்தனர். அரை மணி நேரம் கழித்து, மீன்வளத்துறை அருகே சிறுமியை போலீசார் கண்டுபிடித்தனர். சிறுமி பாசிர்ஹாட் பகுதியில் உள்ள மீன்வளம் அருகே வீசப்பட்டுள்ளார்.

மைனர் சிறுமிக்கு அதிக இரத்தப்போக்கு ஏற்பட்டதாகவும், ஆபத்தான நிலையில் மருத்துவமனைக்கு கொண்டு செல்லப்பட்டதாகவும் காவல்துறை தெரிவித்துள்ளது. மருத்துவப் பரிசோதனையில் குற்றம் சாட்டப்பட்டவர் அவளை பாலியல் பலாத்காரம் செய்தது மட்டுமின்றி, அவரது அந்தரங்க உறுப்புகளில் குச்சியையும் திணித்தது தெரியவந்தது. சிறுமியின் உடல்நிலை மோசமடைந்ததால், மேற்கு வங்காளத்தின் கொல்கத்தாவில் உள்ள ஆர்ஜிகே மருத்துவக் கல்லூரிக்கு மாற்றப்பட்டார், அங்கு ஐந்து மருத்துவர்கள் கொண்ட குழு அவருக்கு சிகிச்சை அளித்து வருகிறது.

வெள்ளிக்கிழமை இரவு 3 மணி நேரத்திற்கும் மேலாக அவரது அந்தரங்க உறுப்புகளை மருத்துவர்கள் அறுவை சிகிச்சை செய்துள்ளனர். இதுவரை, அவரது உடல்நிலை மோசமானதாக உள்ளது.

குற்றம் சாட்டப்பட்ட ஷஹர் அலியை போலீஸார் வெள்ளிக்கிழமை கைது செய்தனர். அவர் பாதிக்கப்பட்டவரின் உறவினரின் காதலன் ஆவார் மேலும் அவர் ஹவுராவின் டோம்ஜூர் மாவட்டத்தில் வசிப்பவர்என்பது விசாரணையில் தெரியவந்துள்ளது. அவர் மீது பாலியல் குற்றங்களில் இருந்து குழந்தைகளைப் பாதுகாக்கும் (போக்சோ) சட்டத்தின் கீழ் வழக்குப் பதிவு செய்யப்பட்டுள்ளது.