அரசு பள்ளி குழந்தைகளை மதமாற்றத்திற்கு அழைத்த சென்ற செவிலியர்: பெற்றோர் பரபரப்பு புகார்!

தமிழ்நாட்டின் பொள்ளாச்சியில், கோடைகால சுகாதார விழிப்புணர்வு முகாமில் கலந்துகொள்வதாகக் கூறி, அரசு பள்ளிகளைச் சேர்ந்த குழந்தைகளை பெற்றோரின் அனுமதியின்றி சுகாதார ஊழியர்கள் ஒரு தேவாலயத்திற்கு அழைத்துச் சென்று, இயேசு கிறிஸ்துவிடம் மண்டியிட்டு ஜெபிக்க வைத்ததாகக் கூறப்படும் ஒரு ஆழ்ந்த கவலைக்குரிய சம்பவம் வெளிவந்துள்ளது.

இளம் பெண்களுக்கான சுகாதார விழிப்புணர்வு முகாம் என்று அறிவிக்கப்பட்ட ஒரு நிகழ்ச்சிக்காக பெற்றோர் ஒருவர் தனது மகளை உஞ்சவேலம்பட்டி அரசு நடுநிலைப் பள்ளிக்கு அனுப்பி வைத்து இருக்கிறார். மேலும் தனது குழந்தையின் மாற்றுச் சான்றிதழை திரும்ப பெறுவதற்காக பள்ளி சென்ற பொழுது இந்த சம்பவம் வெளிச்சத்திற்கு வந்து இருக்கிறது. அதிர்ச்சியூட்டும் விதமாக, அவரது மகள் பள்ளி வளாகத்தில் எங்கும் காணப்படவில்லை. அதன் பின்னர் விசாரித்த பிறகு, தனது குழந்தை, மற்ற மாணவர்களுடன் சேர்ந்து, சின்னம்பாளையம் ஆர்டிஓ அலுவலகத்திற்கு எதிரே உள்ள அருகிலுள்ள ஒரு தேவாலயத்திற்கு அழைத்துச் செல்லப்பட்டிருப்பதைக் கண்டுபிடித்தார். 

பெற்றோரின் அறிக்கையின்படி, இந்த நிகழ்ச்சியை உள்ளூர் அரசு செவிலியர் பவானி ஏற்பாடு செய்தார், அவர் பள்ளிக்கும் பெற்றோருக்கும் இது ஒரு எளிய சுகாதார விழிப்புணர்வு முகாம் என்று தெரிவித்திருந்தார். இந்த அதிகாரப்பூர்வ தகவலை நம்பி, 20க்கும் மேற்பட்ட குழந்தைகள் - பெரும்பாலும் 11 வயதுக்குட்பட்டவர்கள் கலந்து கொண்டனர். குறிப்பாக தேவாலயத்தில் இருந்த பாதிரியார் குழந்தைகளை மதமாற்றத்திற்காக ஈடுபடுத்திய சம்பவம் அதிர்ச்சியை ஏற்படுத்தி இருக்கிறது.