மத்திய அரசு அதிக வரி பணம் எடுத்துக்கொண்டு மாநில அரசுகளுக்கு குறைவாக ஒதுக்குகிறதா? - உண்மை என்ன ?

6) வரி வசூல் முயற்சி

இந்த ஆறு அளவுருக்களை அடிப்படையாகக் கொண்டு நிதியை பகிர்ந்தளிக்க மத்திய அரசு தொடங்கியுள்ளது. இதனால் பெரும் பாதிப்பு எதுவும் ஏற்படவில்லை. இதை காரணம் காட்டி வடக்கு வாழ்கிறது, தெற்கு தேய்கிறது என்ற பொய் பிரச்சாரத்தை சிலர் துவங்கினர் அதில் திமுகவும் ஒன்று. 14வது நிதி ஆணையம் 1971 ஆம் ஆண்டு எடுத்த மக்கள்தொகை கணக்கை, 15வது நிதி ஆணையம் கணக்கில் எடுத்து கொள்ளவில்லை.

தமிழகத்திற்கு எத்தனை கோடி கிடைத்தது?

மத்திய அரசு தமிழகத்திற்கு இரு தவணைகளையும் சேர்த்து மொத்தம் 4,759 கோடி ரூபாயை விடுவித்துள்ளது. இந்த நிதியாண்டில், ஆகஸ்ட் மாதம் இதேபோல் இரு தவணைகளையும் சேர்த்து 1,16,665 கோடி ரூபாயை விடுவித்தது. அதில் தமிழகத்திற்கு 4,759 கோடி ரூபாய் வந்தது. ஒவ்வொரு மாதமும் ரூபாய் 47,592 கோடி மொத்தமாக மத்திய அரசு விடுவித்ததாக சிஏஜி அறிக்கை கூறியுள்ளது.

இந்த நிதி ஆண்டிற்கு தமிழகத்திற்கு மொத்தம் எவ்வளவு கோடி ரூபாய் பகிர்ந்தளிக்கப்படும்?

இந்தாண்டு பிப்ரவரி மாதம் தாக்கல் செய்த பட்ஜெட்டில் மத்திய நிதி அமைச்சகம் மாநிலங்களுக்கு வரி பகிர வேண்டியது மொத்தம் ரூபாய் 8,16,649.47 கோடி என தெரிவித்துள்ளது. இந்தாண்டு பகிர்ந்தளிக்கப்படும் மத்திய வரி 15வது நிதி கமிஷனின் பரிந்துரைப்படி 41% மாநிலங்களுக்கு பகிர்ந்தளிக்கப்படும் என்றும் தெரிவித்துள்ளது. இதன் மூலம் தமிழகத்திற்கு இந்நிதியாண்டில் மொத்தம் ரூபாய். 33,311.14 கோடி கொடுக்கப்படும். இதுவரை இரு முறையாக இருதவணைகள் தமிழகத்திற்கு வந்துள்ளது என்பது குறிப்பிடத்தக்கது.

2014க்கு முன்பும்; பின்பும்

2021-22 ஆண்டு முதல் மத்திய அரசு 15வது நிதி ஆணையம் பரிந்துரைத்த சதவீதத்தின் அடிப்படையில் வரியை பகிர்கிறது. இதில் குறிப்பிட வேண்டியது என்னவென்றால் 2014-15 ஆம் நிதி ஆண்டுவரை அதாவது பிரதமர் மோடி பதவியேற்ற நிதி ஆண்டிற்கு முன்பு வரை மொத்த வரியில் 32% சதவீதம் மற்றுமே மாநிலங்களுக்கு பகிர்ந்தளிக்கப்பட்டது. பிறகு 2015-16ஆம் நிதி ஆண்டு முதல் 14வது நிதி ஆணையம் பரிந்துரையின்படி அது 42% சதவீதமாக உயரத்தி வழங்கப்பட்டு வந்தது. பிறகு கொரோனாவிற்கு பின் 15வது நிதி ஆணையம் பரிந்துரையின்படி 41%ஆக மொத்த வரியில் மாநிலங்களுக்கு வழங்கப்பட்டு வருகிறது. இவை அனைத்தும் திமுகவினர் செய்யும் பிரச்சாரத்தை பொய்யென நிரூபிக்கும்.