குடியுரிமை திருத்த விதிகளுக்கு மேலும் 6 மாதம் அவகாசம் - கட்டுப்பாடுகள் அதிகரிப்பா?
குடியுரிமை திருத்தச் சட்டம் (CAA) விதிகளை மேலும் புதிய நிபந்தனைகளுடன் வடிவமைக்க மத்திய அரசு மேலும் அவகாசம் எடுத்துக்கொண்டுள்ளது. குடியுரிமை திருத்தச் சட்டம் (CAA) நிறைவேற்றப்பட்ட இரண்டு ஆண்டுகளுக்குப் பிறகு, CAA விதிகளை மேலும் புதிதாக உருவாக்குவதற்கு மத்திய அரசாங்கம் மேலும் 6 மாதங்கள் அவகாசம் கோரியுள்ளது.
31 டிசம்பர் 2014 அன்று அல்லது அதற்கு முன் இந்தியாவுக்குள் நுழைந்த பாகிஸ்தான், வங்கதேசம் மற்றும் ஆப்கானிஸ்தானில் இருந்து இந்து, சீக்கியர், ஜெயின், பௌத்த, பார்சி மற்றும் கிறிஸ்தவ சமூகங்களைச் சேர்ந்த துன்புறுத்தப்பட்ட சிறுபான்மையினருக்கு இந்திய குடியுரிமை வழங்க இதற்கு முன் இந்திய சட்டம் அனுமதி வழங்கி வந்தது.
இந்நிலையில் குடியுரிமை திருத்தச் சட்டம் 11 டிசம்பர் 2019 அன்று பாராளுமன்றத்தில் நிறைவேற்றப்பட்டது மற்றும் மறுநாள் ஜனாதிபதியின் ஒப்புதல் பெறப்பட்டது. அதைத் தொடர்ந்து, உள்துறை அமைச்சகத்தால் சட்டமாக அறிவிக்கப்பட்டது. இருப்பினும், CAA இன் கீழ் விதிகள் இன்னும் சில நிபந்தனைகளுடன் வடிவமைக்கப்படாததால், சட்டம் இன்னும் செயல்படுத்தப்படவில்லை.
லோக்சபா மற்றும் ராஜ்யசபா ஆகிய இரண்டின் நாடாளுமன்றச் சட்டம் தொடர்பான துணைக் குழுவிற்கு, CAA விதிகளை உருவாக்க கால அவகாசத்தை நீட்டிக்கக் கோரி அமைச்சகம் கடிதம் எழுதியுள்ளதாக தி இந்து செய்தி வெளியிட்டுள்ளது. இந்திய அரசிதழில் வெளியிடப்படும் விதிகளை அறிவிக்க அமைச்சகம் இப்போது அக்டோபர் 9 வரை அவகாசம் கோரியுள்ளது.
பாராளுமன்றப் பணிகள் குறித்த கையேட்டின்படி, ஒரு சட்டம் இயற்றப்பட்ட ஆறு மாதங்களுக்குள் அமைச்சகங்கள் / துறைகள் விதிகளை உருவாக்க இயலவில்லை என்றால், "அவர்கள் துணைச் சட்டத்திற்கான குழுவிடம் அதற்கான காரணங்களைக் கூறி கால நீட்டிப்பு கோர வேண்டும்" என்பது விதி.
CAA இயற்றப்பட்ட ஆறு மாதங்களுக்குள் உள்துறை அமைச்சகம் விதிகளை உருவாக்க முடியாது என்பதால், அது குழுக்களுக்கு நேரம் கோரியது குறிப்பிடத்தக்கது முதலில் ஜூன் 2020 இல் மற்றும் பின்னர் நான்கு முறை இதுபோல் நடந்துள்ளது. முன்னதாக இந்த ஆண்டு ஜனவரியில், உள்துறை அமைச்சகம் CAA விதிகளை உருவாக்க சம்மந்தப்பட்ட குழுக்களிடம் இருந்து ஏப்ரல் 9 வரை அவகாசம் நீட்டிக்க கோரியுள்ளது.