ஊரடங்கில் இலவச உணவு வழங்கிய அ.தி.மு.க எங்கே? அம்மா உணவகத்தையே மூடிய தி.மு.க எங்கே? ஆதரவற்ற மக்களின் அதிருப்தி குரல்!

ஞாயிற்றுக்கிழமை ஊரடங்கு என்பதால் திருச்சி மாநகரில் பெரும்பாலான சிறு உணவகங்கள், டீக்கடைகள் மூடப்பட்டிருந்தன. பல வீடற்ற மற்றும் ஆதரவற்ற மக்கள் ரயில்வே சந்திப்பு மற்றும் பேருந்து நிலையங்களுக்கு அருகில் அலைந்து திரிவதைக் காண முடிந்தது. யாராவது தங்களுக்கு உணவு வழங்குவார்கள் என்று எதிர்பார்த்து காத்திருந்தனர்.

சிலருக்கு சாப்பாடு கிடைத்தாலும், இன்னும் சிலர் வெறும் வயிற்றில் தூங்கினார்கள். வீடற்ற மக்கள் சிலர் ஞாயிற்றுக்கிழமைகளிலும் அம்மா உணவகங்கள் மூலம் உணவு வழங்குமாறு அரசுக்கு கோரிக்கை விடுத்துள்ளனர்.

சனிக்கிழமை இரவு கோவையில் இருந்து திருச்சிக்கு வந்த பார்வையற்ற தம்பதி மாணிக்கம், செல்வி ஆகியோர் கூறுகையில், "எங்களிடம் அதிக பணம் இல்லை. அதனால், நாள் முழுவதும் கன்டோன்மென்ட் அருகே கழிக்க முடிவு செய்தோம். யாராவது உணவு வழங்குவார்கள் என்ற நம்பிக்கையில் இருந்தோம். லாக்டவுன் நாட்களில் அம்மா கேன்டீன்கள் திறந்திருந்தால், அது பெரிய உதவியாக இருக்கும், என்றனர்.

ரயில்வே ஜங்ஷன் அருகே செருப்பு தொழிலாளி சின்னசாமி கூறுகையில், "தினமும் 100 ரூபாய் சம்பளம் கிடைக்கும். கடந்த மூன்று நாட்களாக வேலை கிடைக்கவில்லை. வயதாகி விட்டதால், வேறு எங்கும் சென்றும் வேலை செய்ய முடியவில்லை. ஒரு நாள் (ஞாயிற்றுக்கிழமை) மட்டும் ஊரடங்கு உத்தரவு அமலில் இருப்பதில் நான் மகிழ்ச்சியடைகிறேன். ஆனால் அரசாங்கம் அதை நீட்டித்தால், எங்களுக்கு ஏதாவது உதவி வழங்க அதிகாரிகள் பரிசீலிக்க வேண்டும்" என்றார்.

கூலி வேலை செய்யும் பாஷா கூறுகையில், ஒரு நாள் மட்டுமே உணவகங்கள் மூடப்படுவதால், நாங்கள் எப்படியாவது சமாளித்து வருகிறோம். ஆனால் அதிகரித்து வரும் வழக்குகள் அரசாங்கத்தை மேலும் கட்டுப்பாடுகளை விதிக்க நிர்ப்பந்தித்தால், என்னைப் போன்றவர்கள் பாதிக்கப்படுவார்கள். அரசாங்கம் அம்மா உணவகங்கள் மூலம் இலவச உணவு வழங்கினால் அது பெரிய உதவியாக இருக்கும் என்றார்.

முந்தைய அதிமுக ஆட்சியின் போது, ஊரடங்கு பிறப்பிக்கப்பட்ட சமயத்தில் அம்மா உணவங்கள் மூலம்  இலவச உணவு வழங்கப்பட்டது. ஆனால் தற்போது அம்மா உணவகங்களே மூடப்பட்டது பொதுமக்கள் மத்தியில் அதிர்ச்சியை ஏற்படுத்தியுள்ளது.