சரியாக சுண்டிவிட்ட ஆளுநர்! நடுங்கிப்போய் இரண்டே நாளில் திமுக செய்த காரியம்!

ஆளுநர் பற்றவைத்த நெருப்பு...! இரண்டே நாளில் அலறியடித்து முதல்வர் வெளியிட்ட அறிவிப்பு..!

கடந்த இரண்டு தினங்களுக்கு முன்பு திருச்சியில் மருது சகோதரர் குருபூஜை விழாவில் ஆளுநர் கலந்து கொண்ட உரையாற்றினார். அப்பொழுது பேசிய அவர் 'சுதந்திரப் போராட்ட தியாகிகளை மக்களின் நினைவில் இருந்து அகற்ற தமிழ்நாடு அரசு முயற்சிப்பதாகவும், மருது சகோதரர், முத்துராமலிங்க தேவர் குருபூஜை விழாவை கொண்டாடக்கூடாது என மாநில அரசு நினைப்பதாகவும்' விமர்சித்தார்.

மேலும் பேசும்போது, தமிழ்நாட்டில் சுதந்திரப் போராட்ட வீரர்கள் சாதி கட்சி தலைவர்களாக சித்தரிக்கப்படுவது மன வருத்தத்தை அளிப்பதாக கூறிய அவர் பள்ளி செல்லும் மாணவர்கள் கையில் சாதி கயிறு அணிந்து செல்வதாகவும் வேதனை தெரிவித்தார். இது மட்டுமல்லாமல் புண்ணிய பூமியான தமிழ்நாட்டில் ஆரியம் திராவிடம் என கிடையாது, பள்ளி படிப்பை பாதியில் விட்ட ராபர்ட் கார்டுவெல் தான் திராவிடம் என பிரித்து கூறியதாக தெரிவித்தார்.

அந்த நிகழ்ச்சியில் முத்துராமலிங்கத் பேசிய ஆளுநர் ஆர்.என்.ரவி தேவர் குருபூஜை விழாவை கொண்டாடக்கூடாது என மாநில அரசு நினைப்பதாக முன் வைத்த கருத்து பல்வேறு விதங்களில் சர்ச்சையை ஏற்படுத்தியது.

ஆளுநர் ஆர்.என்.ரவி பேசியது அதிர்வலைகளை ஏற்படுத்திய இந்த நிலையில் தற்போது திமுக அரசு சார்பில் அறிவிப்பு ஒன்று கொடுக்கப்பட்டுள்ளது. அதன்படி இந்த ஆண்டு தேவர் பூஜைக்கு முதல்வர் செல்வார் என தெரிவிக்கப்பட்டுள்ளது.

அரசு அறிவித்துள்ள அந்த அறிவிப்பில் வரும் அக்டோபர் 30ஆம் தேதி பசும்பொன் முத்துராமலிங்கத் தேவரின் பிறந்த நாளான அன்று குருபூஜை மற்றும் தேவர் ஜெயந்தி கொண்டாடப்பட உள்ளது, இதற்காக அக்டோபர் 29ஆம் தேதி சென்னையில் இருந்து விமான மூலம் மதுரைக்கு முதல்வர் ஸ்டாலின் செல்கிறார் என அறிவிக்கப்பட்டுள்ளது. மேலும் அக்டோபர் 29ஆம் தேதி கோரிப்பாளையத்தில் உள்ள தேவர் சிலைக்கு மாலை அணிவித்து மரியாதை செலுத்தி விட்டு அங்கிருந்து சாலை மார்க்கமாக பசும்பொன் செல்லும் முதல்வர் ஸ்டாலின் குரு பூஜையில் கலந்து கொள்கிறார்.