விளக்கு என்பது அறிவின், நேர்மறை ஆற்றலின் வெளிப்பாடு. தினசரி விளக்கேற்றுவது மிகவும் புனிதமானதாக கருதப்படுகிறது. தொடர்ச்சியாக விளக்கு ஏற்றும் இடத்தில் இருள், அறியாமை மற்றும் தீமைகள் அகன்று போகும் என்பது நம்பிக்கை.
குறிப்பாக நெய் தீபம் ஏற்றுவது செழிப்பையும், அறிவையும், ஞானத்தையும் வழங்கும் என நம்பப்படுவதால் அனைத்து நிகழ்வுகளிலும், விழாக்களிலும், சகல விதமான இடங்களிலும் தீபம் ஏற்றுவதை ஒரு சடங்காகவே வைத்துள்ளனர். இவ்வாறு செய்வதால் இறையருளை நாம் வீட்டினுள் வரவேற்கிறோம் என்றே பொருள்.
தீபம் ஏற்றுவதில் பல்வேறு பரிமாணங்கள் உண்டு. அதிலொன்று ஆரத்தி, கடவுளுக்கோ அவரின் திருவுருவம் அல்லது திருவுருவ படம் ஆகியவற்றின் முன்போ மென்மையாக காட்டப்படும் தீபாராதனை மிகவும் சிறப்பு வாய்ந்தது. இவ்வாறு செய்வதால் அறிவியல் ரீதியாக காற்றில் இருக்கும் நச்சுகள் அழிந்து காற்றும் சுற்று சூழலும் சுத்திகரிக்கப்படுகிறது என்பது நம்பிக்கை.
ஒவ்வொரு முறை விளக்கு ஏற்றபடும் போதும்,
"'சுபம் கரோட்டி கல்யாணம் ஆரோக்கியம் தன சம்பந்து, சத்ரு பூத்தி விநாசய தீப ஜ்யோதிர் நமோஸ்துதே, தீப ஜோத்தி பரபிரம்ம, தீப ஜோத்தி ஜனார்த்தன, தீபோ மே ஹர து பாப்பம், தீப ஜோத்திர் நமோஸ்துதே "
என்கிற மந்திரத்தை சொல்வது மிகவும் சிறப்பு வாய்ந்ததாகும். நீங்கள் ஏற்றும் தீபத்தின் திசை கூட உங்கள் வாழ்வை மாற்றக்கூடும் என்பது உங்களுக்கு தெரியுமா? நாம் பயன்படுத்தும் திரியும் திசையும் நம் வாழ்வின் விதியை மாற்றக்கூடும் என்கின்றன சாஸ்திரங்கள்.
வாழைத்தண்டில் திரி செய்து தீபமேற்றி வர நீங்கள் தெரியாமல் செய்த பாவத்தின் வினைகள் நீங்கும். மற்றும் முன்னோர்களின் சாபம் அல்லது வேறேதேனும் சாபமிருப்பின் அவை நீங்கும். பொதுவாக மன்னிப்பு கிடைக்க இந்த திரியிலான தீபம் உதவும்.