ஒருநாள் தொடரை வெல்லப்போவது யார்? மூன்றாவது ஒருநாள் போட்டியில் இந்திய- இங்கிலாந்து மோதல்.!

இந்திய மற்றும் இங்கிலாந்து அணிகளுக்கு இடையிலான மூன்று ஒருநாள் போட்டிகள் கொண்ட தொடர் புனே மைதானத்தில் நடைபெற்ற வருகின்றது. முதல் ஒருநாள் போட்டியில் இந்திய அணி 66 ரன்கள் வித்தியாசத்தில் அபார வெற்றி பெற்ற நிலையில் இரண்டாவது ஒருநாள் போட்டியில் இங்கிலாந்து அணி அபார வெற்றி பெற்று தொடரை 1-1 என்ற கணக்கில் சமன் செய்தது. இந்நிலையில் இந்த தொடரின் கடைசி ஒருநாள் போட்டி தான் இந்த தொடரை முடிவு செய்யும் என்பதால் மூன்றாவது ஒருநாள் போட்டியின் மீது மிகப்பெரிய எதிர்பார்ப்பு எழுந்துள்ளது.

மூன்றாவது ஒருநாள் போட்டி இன்று அதே புனே மைதானத்தில் நடைபெறுகிறது. இந்த போட்டியில் வெற்றி பெற வேண்டிய கட்டாயத்தில் இரு அணிகளும் உள்ளனர். இங்கிலாந்து அணியை பொறுத்தவரையில் டெஸ்ட் மற்றும் டி-20 தொடரை இழந்துள்ளதால் ஒருநாள் போட்டி தொடரை வெல்ல வேண்டும் என்ற முனைப்பில் உள்ளது. எனவே இன்று நடைபெற உள்ள இந்த தொடர் மிகவும் முக்கியமானதாக பார்க்கப்படுகின்றது.

இந்தியஅணியில் சில மாற்றங்கள் செய்யப்பட வாய்ப்புகள் உள்ளது‌. கடந்த போட்டியில் இந்திய சுழல்பந்து வீச்சாளர் மிகவும் மோசமாக பந்து வீசியது பேசும் பொருளானது. இந்நிலையில் இந்த போட்டியில் மூன்றாவது போட்டியில் தமிழக வீரர் நடராஜன் சேர்க்கப்பட வாய்ப்பு அதிகம் என தெரிகிறது.