ஏப்ரல் இரண்டாவது வாரத்தில் இந்தாண்டு ஐபிஎல் தொடர் தொடக்கம் பிசிசிஐ அறிவிப்பு.!

ஐபிஎல் 14வது சீசன் இந்தாண்டு இந்தியாவில் நடைபெற உள்ளதாக பிசிசிஐ அறிவித்துள்ளது. இந்தாண்டு ஐபிஎல் தொடரின் அறிவிப்புகள் ஓவ்வொன்றாக வெளியாக தொடங்கியுள்ளது. ஐபிஎல் தொடரின் ஏலம் ஏற்கனவே அறிவித்தன் படி வருகின்ற பிப்ரவரி மாதம் 18ம் தேதி சென்னையில் நடைபெற உள்ளது.

இந்த ஏலம் மினி ஏலம் என்பதால் குறைந்த அளவில் தான் வீரர்களை அணிகள் எடுக்க உள்ளனர். ஆனால் பெங்களுரு மற்றும் பஞ்சாப் போன்ற அணிகள் இந்த ஏலத்திலும் பெரிய வீரர்களை எடுக்க காத்துக்கொண்டிருக்கின்றது. இந்நிலையில் இந்தாண்டு ஐபிஎல் தொடர் இந்தியாவில் தான் நடைபெற உள்ளதை உறுதி செய்த இந்திய கிரிக்கெட் வாரியம். இந்தாண்டு ஐபிஎல் தொடர் வரும் ஏப்ரல் இரண்டாவது வாரத்தில் தொடங்கும் என கூறுயுள்ளது.

ஐபிஎல் தொடர் அனைத்து அணிகளின் மைதானங்களில் நடத்தப்படாது என கூறப்பட்டுள்ளது. மும்பை மற்றும் புனே நகரங்களில் உள்ள ஐந்து மைதானங்களில் மட்டும் நடைபெற உள்ளதாக தகவல் வெளியாகியுள்ளது.