உலக சாம்பியன் கார்ல்சனை மீண்டும் வீழ்த்தினார் இந்திய வீரர் பிரக்ஞானந்தா!

நடப்பாண்டி 2வது முறையாக உலக சாம்பியனை வீழ்த்தியுள்ளார் 16 வயது நிரம்பிய பிரக்ஞானந்தா. அவருக்கு வாழ்த்துக்கள் குவிந்து வருகிறது. செசபிள் மாஸ்டர்ஸ் ரேபிட் செஸ் போட்டியானது ஆன்லைன் வழியாக நடைபெற்று வருகிறது. இதில் 16 வீரர்கள் பங்கேற்றுள்ளனர். அதன்படி செசபிள் மாஸ்டர்ஸ் ரேபிட் தொடரின் 5வது சுற்றில் கார்ல்சனை வீழ்த்தி மீண்டும் சாதனை படைத்துள்ளார் பிரக்ஞானந்தார்.

இந்த சதுரங்க சாம்பியன் போட்டியானது 9 தொடர்களாக கடந்த பிப்ரவரி மாதத்தில் தொடங்கி நவம்பர் மாதம் வரை நடைபெறுகிறது. ஏற்கனவே 3 தொடர்கள் முடிவடைந்துள்ள நிலையில் தற்போதைய நிலையில் 4வது தொடரான செசபிள் மாஸ்டர்ஸ் தொடர் நடந்து வருகிறது.

இதனிடையே 40வது நகர்த்தலின் போது கார்ல்சன் தவறுதலாக குதிரையை நகர்த்தி பிரக்ஞானந்திடம் மாட்டிக்கொண்டார் கார்ல்சன். வெள்ளை நிற காய்களுடன் களமிறங்கி விளையாட்டை தொடங்கிய பிரக்ஞானந்தா, 41வது நகர்த்தலின்போது வெற்றியை உறுதி செய்தார். இவர் ஏற்கனவே கடந்த பிப்ரவரி மாதம் நடைபெற்ற ஏர்திங்ஸ் மாஸ்டர்ஸ் ரேபிட் செஸ் போட்டியிலும் கார்ல்சனை வீழ்த்தி பிரக்ஞானந்தா வெற்றியை பறித்தார். 

Source: News 18 Tamilnadu

Image Courtesy: The Indian Express