ஐபிஎல் தொடரில் இருந்து விலகிய அஸ்வின்.. காரணம் இதுதானாம்.!

நடப்பு ஐபிஎல் டி20 தொடரில் இருந்து டெல்லி கேப்பிட்டல்ஸ் அணி வீரரும், இந்திய கிரிக்கெட் அணியின் முன்னணி சுழற்பந்து வீச்சாளருமான அஸ்வின் விலியுள்ள சம்பவம் ரசிகர்கள் மத்தியில் பரபரப்பை ஏற்படுத்தியுள்ளது.

இது தொடர்பாக அவர் தனது ட்விட்டர் பக்கத்தில் குறிப்பிட்டுள்ளதாவது: 2021 ஐபிஎல் தொடரிலிருந்து நாளை முதல் நான் விடைபெறுகிறேன். கொரோனா வைரஸ் தொற்றுக்கு எதிராக தனது குடும்பத்தார் போராடி வருகின்றனர். எனவே இந்த நேரத்தில் அவர்களுக்காக உடன் இருப்பது அவசியம். அனைத்தும் சரியான திசையில் சென்றால் நான் மறுபடியும் அணியில் சேர்வேன் என எதிர்பார்க்கிறேன்" என்று பதிவிட்டுள்ளார்.

கொரோனா பெருந்தொற்று காரணமாக தற்போது ஐபிஎல் தொடரில் இருந்து ஒவ்வொரு அணியில் இருந்தும் விலகி வருவது, ரசிகர்கள் மத்தியில் பெரும் அதிர்ச்சியை ஏற்படுத்தி வருகின்றது.