கம்மிங்ஸ் மற்றும் ஹஷால்வுட் பந்து வீச்சில் சுருண்டது இந்திய அணி.!

ஆஸ்திரேலியா சென்றுள்ள இந்திய கிரிக்கெட் அணி, ஆஸ்திரேலிய அணியுடன் நான்கு டெஸ்ட் போட்டிகள் கொண்ட தொடரில் பங்கேற்றுள்ளது. இந்த தொடரின் முதல் போட்டி ஆஸ்திரேலியாவின் அடிலெய்ட் மைதானத்தில் நடைபெற்று வருகிறது.

இதில் டாஸ் வென்ற இந்திய கேப்டன் கோலி முதலில் பேட்டிங்கை தேர்வு செய்தார். இதனையடுத்து முதலில் பேட்டிங் செய்த இந்திய அணி, முதல் இன்னிங்ஸில் 244 ரன்கள் எடுத்து அனைத்து விக்கெட்டுகளையும் இழந்தது. இந்திய அணியில் அதிகபட்சமாக கோலி 74 ரன்களும், புஜாரா 43 ரன்களும் எடுத்திருந்தனர்.

இதனையடுத்து தனது முதல் இன்னிங்ஸை துவங்கிய ஆஸ்திரேலிய அணி, வெறும் 191 ரன்களுக்கே அனைத்து விக்கெட்டுகளையும் பறிகொடுத்தது. இந்திய அணியில் அதிகபட்சமாக அஸ்வின் 4 விக்கெட்டுகளையும், உமேஷ் யாதவ் 3 விக்கெட்டுகளையும் கைப்பற்றினர். 9 ரன்களுக்கு ஒரு விக்கெட்டை இழந்த நிலையில், மூன்றாம் நாள் ஆட்டத்தை தொடர்ந்தது இந்தியா.

நைட் வாட்ச்மேனாக களம் இறங்கிய பும்ரா 2 ரன்களுக்கு கம்மின்ஸ் வேகத்தில் வீழ்ந்தார். அதற்கடுத்த மூன்று ஓவர்கள் ரன் எடுத்துவும் எடுக்காத நிலையில் மீண்டும் கம்மின்ஸ் பந்து வீச்சை தாக்கு பிடிக்க முடியாமல் விக்கெட்டை இழந்தார் புஜாரா. தொடர்ந்து கோலி கிரீஸுக்கு வர ஹேசல்வுட் வீசிய அடுத்த ஓவரில் மயங்க் அகர்வாலும் 9 ரன்களில் பெவிலியன் திரும்பினார். ஹேசல்வுட்டின் அதே ஓவரில் ரஹானே டக் அவுட்டானார். அதனால் 15 ரன்களுக்கு 5 விக்கெட்டை இழந்து தடுமாறியது இந்தியா. 

கம்மின்ஸ் வீசிய அடுத்த ஓவரில் கோலியும் 4 ரன்களில் அவுட்டானார். தொடர்ந்து விக்கெட் சாஹாவும் ஹேசல்வுட் பந்துவீச்சில் 4 ரன்களில் வெளியேறினார். அடுத்த பந்திலேயே அஷ்வினும் டக் அவுட்டானார். அதேநேரத்தில் விஹாரியும் ஹேசல்வுட்டின் அதற்கடுத்த ஓவரில் 8 ரன்களில் அவுட்டானார். இதையடுத்து இது நிஜம் தானா என ரசிகர்கள் குழம்பி போயுள்ளதாக சமூக வலைதளங்களில் தெரிவித்துள்ளனர்.

இரண்டாவது இன்னிங்ஸில் இந்தியா 36 ரன்களுக்கு 9 விக்கெட்டுகளை இழந்துள்ளது. அதேநேரத்தில் இந்த ஆட்டத்தில் இந்தியா 89 ரன்கள் முன்னிலையில் உள்ளது என்பதும் குறிப்பிடத்தக்கது. ஆஸ்திரேலியாவுக்காக ஹேசல்வுட் 5 விக்கெட்டுகளை, கம்மின்ஸ் 4 விக்கெட்டுகளை வீழ்த்தியுள்ளனர்.

பின்னர் விளையாடிய ஆஸ்திரேலியா அணியில் தொடக்க வீரர்கள் வெட் மற்றும் போரன்ஸ் இருவரும் சிறப்பான ஆட்டத்தை வெளிபடுத்தினர். வெட் 33 ரன்கள் மற்றும் போரன ஸ் 51 ரன்கள் அடிக்க ஆஸ்திரேலியா அணி 8 விக்கெட்கள் வித்தியாசத்தில் வெற்றி பெற்றது.