இந்தியாவின் குத்துச்சண்டை வீராங்கனை மேரி கோமுக்கு கிடைத்த புதிய பதவி.!

இந்தியாவின் குத்துச்சண்டை வீராங்கனை மேரி கோமுக்கு சர்வதேச அளவில் புதிய பதவி வழங்கப்பட்டுள்ளது.

இந்தியாவை சேர்ந்தவர் மேரி கோம் 37, இவர் உள்ளூர் முதல் சர்வதேச அளவில் குத்துச்சண்டையில் பிரபலமான வீரராக திகழ்ந்து வருகிறார். இதுவரை 6 முறை உலக சாம்பியன் பட்டம் வென்று அசத்தி உள்ளார்.

மேலும், ஜூலை- ஆகஸ்ட் மாதங்களில் ஜப்பானில் நடைபெற உள்ள ஒலிம்பிக் போட்டியில் பங்கேற்க தகுதி பெற்றுள்ளார். இது அவர் பங்கேற்கின்ற 2வது மற்றும் கடைசி போட்டியும் ஆகும்.

இந்நிலையில், சர்வதேச அளவில் குத்துச்சண்டையை பிரபலப்படுத்துகின்ற அளவில் ஒரு கமிட்டி அமைக்கப்பட்டுள்ளது. இந்த கமிட்டியின் தலைவராக மேரி கோம் தேர்வு செய்யப்பட்டுள்ளார். இவருக்கு பல்வேறு நாடுகளை சேர்ந்த வீரர்கள் வாழ்த்துக்களை தெரிவித்து வருகின்றனர். இந்திய வீராங்கணை ஒருவர் உலகளவில் பிரபலம் அடைவது இந்தியர்கள் அனைவருக்கும் பெருமையே.