ஒலிம்பிக்கில் வெல்வேன்: சத்யன் ஞானசேகரன் நம்பிக்கை.!

ஜப்பான் தலைநகர் டோக்கியோவில் கடந்த ஆண்டு நடக்க இருந்த ஒலிம்பிக் போட்டி கொரோனா தொற்று காரணமாக இந்த ஆண்டுக்கு தள்ளிவைக்கப்பட்டது. இதன் பின்னர் வருகின்ற ஜூலை 23ம் தேதி தொடங்கி ஆகஸ்டு 8ம் தேதி வரை நடக்கிறது. பாராலிம்பிக் போட்டிகள் ஆகஸ்டு 24ம் தேதி தொடங்கி செப்டம்பர் 5ம் தேதி வரை நடைபெறுகிறது.

இதனிடையே தமிழகத்தை சேர்ந்த சத்யன் ஞானசேகரன் ஒலிம்பிக் போட்டிக்கு தேர்வாகியுள்ளார்.

இந்நிலையில், ஒலிம்பிக் போட்டியில் பங்கேற்க வேண்டும் என்ற சிறு வயது கனவு நனவாகியுள்ளது என்று தமிழகத்தை சேர்ந்த டேபிள் டென்னிஸ் வீரர் சத்யன் ஞானசேகரன் தனது மகிழ்ச்சியை வெளிப்படுத்தியுள்ளார். ஒலிம்பிக் போட்டிகளிலும் கண்டிப்பாக வெல்வேன் என்று நம்பிக்கை தெரிவித்துள்ளார்.