வரும் ஆண்டுகளில் ஆட்டோமொபைல் உற்பத்தியில் இந்தியா தான் டாப்: மத்திய அமைச்சர் உறுதி!

நாட்டில், குறிப்பாக மைக்ரோ, சிறு மற்றும் நடுத்தர நிறுவனங்கள் (MSME) துறையில் புதுப்பிக்கத்தக்க எரிசக்தி வளங்களை மேம்படுத்துவதற்கு அரசாங்கம் உறுதிபூண்டுள்ளது என்று மத்திய அமைச்சர் நிதின் கட்கரி தெரிவித்தார். "ஆத்மநிர்பர் பாரத் – சோலார் & MSMEயில் வாய்ப்புகள்" என்ற தலைப்பில் நடந்த ஒரு வெபினாரில் உரையாற்றிய அவர், ஐந்து ஆண்டுகளுக்குள், இந்தியா உலகில் வாகனங்களுக்கான சிறந்த உற்பத்தி மையமாக இருக்கும் என்று கூறினார்.

நல்ல சாதனை படைத்த MSMEக்கள் இப்போது மூலதன சந்தைக்கு ஊக்குவிக்கப்படுகின்றன என்று கட்கரி கூறினார். புதிய ஸ்கிரேப்பிங் கொள்கையின் காரணமாக முதலீட்டிற்கு ஒரு பெரிய வாய்ப்பு உள்ளது என்றார். இந்திய MSMEகளில் முதலீடு செய்ய வெளிநாட்டிலுள்ள முதலீட்டாளர்களுக்கும் மத்திய அமைச்சர் நிதின் கட்கரி அப்போது அழைப்பு விடுத்தார்.

மின்சார உற்பத்தியில் இந்தியாவுக்கு மிகப்பெரிய ஆற்றலும் திறனும் இருப்பதாக அமைச்சர் நிதின் கட்கரி மேலும் கூறினார். தனது உரையில், கட்கரி, நல்ல சாதனை படைத்த MSMEக்கள் இப்போது மூலதன சந்தைக்கு ஊக்குவிக்கப்படுகின்றன என்று கூறினார்.

இந்தியாவில் சூரிய சக்தி வீதம் யூனிட்டுக்கு ரூ 2.40 ஆகவும், வர்த்தக சக்தி யூனிட்டுக்கு ரூ 11 ஆகவும் உள்ளது. சூரிய ஆற்றல் மூலம் உற்பத்தி செய்யப்படும் மலிவான மின்சாரத்தை ஆட்டோமொபைல்கள் மற்றும் பிற மேம்பாட்டு பணிகளுக்கு பயன்படுத்தலாம் என்றும் அவர் கூறினார்.

இந்த தசாப்தத்தில் புதுப்பிக்கத்தக்க எரிசக்தி மற்றும் குறிப்பாக சூரிய மின்சக்தி உற்பத்திக்கான ஒரு லட்சிய இலக்கை அரசாங்கம் நிர்ணயித்துள்ளது. புதுப்பிக்கத்தக்க எரிசக்தி நிறுவலுக்கான இலக்கு 2030 ஆம் ஆண்டில் 450 ஜிகாவாட் ஆகும்.