கேரள வாக்காளர் பட்டியலில் மிகப்பெரிய மோசடி! 20 லட்சம் வங்க தேச நாட்டினருக்கு வாக்குரிமை!

"கேரள வாக்காளர் பட்டியலில் மிகப்பெரிய மோசடி நடந்துள்ளது. 20 லட்சம் வங்க தேசத்தவர்கள் அங்கே வாக்குரிமை பெற்றுள்ளனர்" என்று social observer என்ற இணையதளம் தெரிவித்துள்ளதை சுட்டிக்காட்டி திரு. மோகன்தாஸ் பய் ட்விட்டரில் பதிவிட்டுள்ளார்.

2005 ஆம் ஆண்டு முதல் 20 லட்சம் பங்களாதேஷிகள் மற்றும் ரோஹிங்கியா முஸ்லிம்கள் கேரளாவில் தஞ்சம் புகுந்துள்ளனர். அவர்களுக்கு ரேஷன் கார்டு டிரைவிங் லைசென்ஸ் PAN கார்டு எல்லாம் காங்கிரஸ் ஆட்சி காலத்திலேயே கொடுத்தாகி விட்டது. அதனடிப்படையில் அவர்களில் நிறைய பேர் ஆதார் அட்டையும் பெற்று விட்டனர்.

இனி இந்த வாக்காளர்கள்தான் மாநிலத்தின் தலைவிதியை தீர்மானிக்கப் போகிறார்கள். மத்திய அரசு கேரள மாநில மக்களைக் காப்பாற்ற விரும்பினால், இந்த 20 லட்சம் சட்டவிரோத குடியேறியவர்களின் பெயர்களை வாக்காளர் பட்டியலில் இருந்து விரைவில் நீக்க வேண்டும் என சமூக ஆர்வலர்கள் கோரிக்கை விடுத்துள்ளனர்.

கேரளாவிற்கு கட்டுப்பாடில்லாமல் பங்களாதேஷியர்கள் வருவது குறித்து கேரளாவின் பல உயர் புலனாய்வு அதிகாரிகள் கவலை தெரிவித்ததை நினைவில் கொள்ளலாம்.

கோட்டயம் மாவட்டத்தில் உள்ள பைப்பாடு பஞ்சாயத்தின் முன்னாள் தலைவர் சிபி ஆபிரகாம், தனது பஞ்சாயத்தில் ஆயிரக்கணக்கான சட்டவிரோத குடியேறியவர்கள் பங்களாதேஷைச் சேர்ந்தவர்கள் என்ற தகவலை முதலில் வெளியிட்டார். ஆயிரக்கணக்கான எண்ணிக்கையிலான இந்த புலம்பெயர்ந்த தொழிலாளர்கள் 2020 மார்ச் 30 அன்று அஸ்ஸாம் மற்றும் வங்காளத்தில் உள்ள தங்கள் கிராமங்களுக்கு உடனடியாக பயண ஏற்பாடுகள் செய்யக் கோரி ஊரில் ஊர்வலம் சென்றனர்.

இந்த மக்கள் வடகிழக்கு மாநிலங்களைச் சேர்ந்தவர்கள் என்று கூறினாலும், முதலில் அவர்கள் பங்களாதேஷைச் சேர்ந்தவர்கள் என்று ஆபிரகாம் கூறியிருந்தார். "அவர்களில் பெரும்பாலோர் வெவ்வேறு பெயர்களில் ஐந்து முதல் ஆறு அடையாள அட்டைகளைக் கொண்டுள்ளனர்" என்று கூறினார்.

இந்த சட்டவிரோத குடியேறியவர்கள் சிபிஐ (எம்) கட்சிக்கு வாக்களிப்பது உறுதி. இந்த சிக்கலை தேர்தல் ஆணையம் எவ்வாறு சமாளிக்க திட்டமிட்டுள்ளது என்பது தெரியவில்லை.