அதிகரிக்கும் ஸ்டார்ட்-அப்கள், கூடுதலாக 40 விண்வெளி ஸ்டார்ட்-அப்களை ஆதரித்த மத்திய அரசு!

இந்திய தேசிய விண்வெளி ஊக்குவிப்பு மற்றும் அங்கீகார மையத்தின் கீழ் ஐந்து ஆண்டுகளில் 35 முதல் 40 விண்வெளி ஸ்டார்ட் அப்களை ஆதரிக்க ரூ1,000 கோடி துணிகர நிதிக்கான ஒப்புதலை மத்திய அமைச்சரவை அளித்துள்ளது. முன்மொழியப்பட்ட நிதி முதலீட்டாளர்களின் நம்பிக்கையை அதிகரிக்கும் தனியார் மூலதனத்தை ஈர்க்கும் மற்றும் விண்வெளி சீர்திருத்தங்களை முன்னெடுப்பதற்கான அதன் உறுதிப்பாட்டைக் குறிக்கும் என்று அரசாங்கம் எதிர்பார்க்கிறது.

வணிகமயமாக்கல் நிலைக்கு முன்னோக்கி கொண்டு செல்லப்பட வேண்டிய கருத்துருவின் அடிப்படை ஆதாரத்தை உருவாக்கிய ஸ்டார்ட் அப்களில் கவனம் செலுத்தப்படும் ஸ்டார்ட் அப்களின் ஆரம்பகால வாழ்க்கை மிகவும் முக்கியமானது ஆரம்பகால வாழ்க்கையில் அவர்கள் ஆதரவைப் பெற்றால் வெற்றிக்கான நிகழ்தகவு அதிகரிக்கும் என்று மத்திய தகவல் மற்றும் ஒலிபரப்புத் துறை அமைச்சர் அஷ்வினி வைஷ்ணவ் கூறியுள்ளார். 

மேலும் ஸ்டார்ட்-அப்கள் அதன் வளர்ச்சியின் நிலை வளர்ச்சிப் பாதை மற்றும் தேசிய விண்வெளி திறன்களில் அதன் சாத்தியமான தாக்கம் ஆகியவற்றின் அடிப்படையில் ரூபாய் 10 முதல் 60 கோடி வரை நிதி ஆதரவு கொடுக்கப்பட உள்ளது.உலக விண்வெளி சந்தையில் இந்தியாவை ஒரு பெரிய பங்காளியாக மாற்றும் அரசாங்கத்தின் தொலைநோக்குப் பார்வைக்கு ஏற்ப இந்த நடவடிக்கை எடுக்கப்பட்டுள்ளது.இந்திய விண்வெளித் துறையின் மதிப்பு தற்போது 8.4 பில்லியன் டாலராக உள்ளது மற்றும் அரசின் ஆதரவுடன் 44 பில்லியன் டாலராக உயரும் என எதிர்பார்க்கப்படுகிறது.

2020 ஆம் ஆண்டில் விண்வெளித் துறை தாராளமயமாக்கப்பட்டதிலிருந்து நாட்டில் ஏற்கனவே 250 விண்வெளி ஸ்டார்ட் அப்கள் உள்ளன.மதிப்புச் சங்கிலியில் ஏறக்குறைய 250 விண்வெளி ஸ்டார்ட்அப்கள் உருவாகி வருவதால் அவர்களின் வளர்ச்சியை உறுதி செய்வதற்கும் வெளிநாடுகளில் திறமை இழப்பைத் தடுப்பதற்கும் சரியான நேரத்தில் நிதி உதவி மிகவும் முக்கியமானது என்று அரசு அறிக்கை தெரிவித்துள்ளது.

இதுமட்டுமின்றி ஒரு வலுவான ஸ்டார்ட்அப் சுற்றுச்சூழல் அமைப்பை வளர்ப்பதன் மூலம் இந்த நிதியானது வேலைகளை உருவாக்குவது மட்டுமின்றி, திறமையான பணியாளர்களை உருவாக்கவும் புதுமைகளை இயக்கவும் மற்றும் விண்வெளி சந்தையில் இந்தியாவின் உலகளாவிய போட்டித்தன்மையை மேம்படுத்தவும் உதவும் என்று அறிக்கையில் கூறப்பட்டுள்ளது.