வரலாற்று நடவடிக்கையாக கருதப்படும் இந்த சட்டத்திருத்தம் அமைந்தது ஏன்?

வரலாற்றுச் சிறப்புமிக்க முடிவாக, ஜெகநாதர் கோயிலுக்குச் சொந்தமான நிலம் தொடர்பான பிரச்சனைகளை எளிமையாக்கும் வகையில், 1954 ஆம் ஆண்டின் ஸ்ரீ ஜெகநாதர் கோயில் சட்டத்தில் திருத்தங்களை ஒடிசா மாநில அமைச்சரவை புதன்கிழமை ஏற்றுக்கொண்டது. திருத்தத்தைத் தொடர்ந்து, கோயில் நிர்வாகமும், சம்பந்தப்பட்ட அதிகாரிகளும், மாநில அரசின் எந்த ஒப்புதலும் இல்லாமல், கோயில் நிலத்தை விற்கவோ அல்லது குத்தகைக்கு விடவோ இப்போது அதிகாரம் பெற்றுள்ளனர். முன்னதாக, கோயில் நிலத்தை நீண்ட காலமாக ஆக்கிரமித்துள்ள அல்லது உடைமையாக வைத்திருக்கும் நபர்கள் நிலத்தை விற்கவோ? அல்லது மாற்றவோ? மாநில அரசை அணுக வேண்டியிருந்தது. ஆனால் இனி அந்த அனுமதி தேவை இல்லை என்று சட்டம் திருத்தப்பட்டு உள்ளது குறிப்பிடத்தக்கது. 

ஜகன்னாதர் கோவில் சட்டம், 1954 பற்றிய முன்கதை. 1806 ஆம் ஆண்டில், காலனித்துவ ஆட்சியாளர்களால் ஜகர்நாட் கோயில் என்று குறிப்பிடப்பட்ட ஜெகநாதர் கோயிலை நிர்வகிப்பதற்கான விதிமுறைகளை அப்போதைய பிரிட்டிஷ் அரசாங்கம் வெளியிட்டது. இந்த விதிமுறைகளின்படி, கோயிலுக்கு வரும் பக்தர்கள் வரி செலுத்த வேண்டும் என்று எதிர்பார்க்கப்பட்டது. கோயிலில் மூத்த அர்ச்சகர்களை நியமிக்கும் பொறுப்பு பிரிட்டிஷ் அரசிடம் ஒப்படைக்கப்பட்டது. மூன்று ஆண்டுகளுக்குப் பிறகு, கோயிலின் நிர்வாக அதிகாரங்கள் கோர்தா மன்னருக்கு வழங்கப்பட்டன. அதே நேரத்தில் காலனித்துவ அரசாங்கம் தொடர்ந்து சில கட்டுப்பாட்டைத் தக்க வைத்துக் கொண்டது. அவரது மரணத்திற்குப் பிறகு, கோயில் நிர்வாகம் ராணிக்கும், பின்னர் அவர்களின் பேரனுக்கும் வழங்கப்பட்டது. இந்தியா சுதந்திரம் பெற்ற பிறகுதான், ஒடிசா மாநிலம் 1952 ஆம் ஆண்டில் ஜகன்னாதர் கோயில் சட்டத்தை முறையாக அறிமுகப்படுத்தியது. இது 1954 இல் நடைமுறைக்கு வந்தது.

மேலும் தற்பொழுது திருத்தப்பட்ட சட்டத்தின் 16 (2) பிரிவு, மாநில அரசின் முந்தைய அனுமதியின்றி கோயில் கமிட்டியால் கைப்பற்றப்பட்ட அசையாச் சொத்தை குத்தகைக்கு விடவோ, அடமானம் வைக்கவோ, விற்கவோ அல்லது அந்நியப்படுத்தவோ கூடாது என்று கூறுகிறது. கோயிலுக்குச் சொந்தமான அசையாச் சொத்துக்களை குத்தகைக்கு விடவோ, அடமானம் வைக்கவோ அல்லது விற்கவோ மாநில அரசின் முன் அனுமதி எதுவும் தேவையில்லை என்ற இந்தப் பிரிவின் திருத்தத்துக்கு அமைச்சரவை ஒப்புதல் அளித்துள்ளது.

Input & Image courtesy: Indianexpress