தமிழ்நாட்டுக்கு ஸ்டாலின் மாதிரி, அங்க அவுக! மீன்வளத்துறை அமைச்சகம் இருப்பது தெரியாமலே அது வேண்டுமென கேட்ட ராகுல் காந்தி!

மீன்வளத்துறை அமைச்சகத்தின் உருவாக்கத்தின் அவசியம் குறித்து, காங்கிரஸ் தலைவர் ராகுல் காந்தி பேசியதை தொடர்ந்து, மத்திய உள்துறை அமைச்சர் அமித் ஷா, பதிலடி தரும் வகையில் கருத்து தெரிவித்துள்ளார். 

மீன்வளத் துறை ஏற்கனவே 2 ஆண்டுகளாக  செயல்பாட்டில் உள்ளது என்பதை அறியாத ஒரு தலைவரையா விரும்புகிறீர்கள் என்று கேள்வி எழுப்பி உள்ளார். அதற்கான காரணத்தை நான் மக்களிடமிருந்து தெரிந்து கொள்ள விரும்புகிறேன் என காரைக்காலில் நடந்த பேரணியில் உரையாற்றிய அமித் ஷா கூறினார்.

புதுச்சேரியில் உள்ள முந்தைய காங்கிரஸ் அரசாங்கத்தை விமர்சித்த மத்திய உள்துறை அமைச்சர் அமித் ஷா, நாராயணசாமி "ராகுல் காந்தி குடும்பத்திற்கு ரூ .15,000 கோடி மத்திய நிதியில் இருந்து கொடுத்ததாக குற்றம் சாட்டினார்.

புதுச்சேரியில் உள்ள முந்தைய காங்கிரஸ் அரசாங்கம், மத்திய அரசு திட்டங்களை செயல்படுத்துவதில் "குட்டி அரசியல்" செய்ததாக அமித் ஷா கூறினார்.

தனது அரசாங்கத்தின் வீழ்ச்சிக்கு பாஜகவை குற்றம் சாட்டியதற்காக நாராயணசாமியை கண்டித்துள்ளார். பல மூத்த தலைவர்கள் காங்கிரஸை விட்டு வெளியேறுகிறார்கள். ஏனெனில், காங்கிரஸ் குடும்ப அரசியல் காரணமாக நாடு முழுவதும் சரிந்து வருகிறது.

ஏற்கனவே இந்த மாத தொடக்கத்தில் புதுச்சேரியில் நடந்த ஒரு கூட்டத்தில், ராகுல் காந்தி மீன்வளத்துக்காக ஒரு தனி அமைச்சகத்தை அமைக்கக் கோரினார். ஏற்கனவே அப்படி ஒரு அமைச்சகம் இருப்பது தெரியாமல் தொடர்ந்து பேசி வருகிறார். 

இதற்கு, மீன்வள, கால்நடை பராமரிப்பு மற்றும் பால்வளத்துறை அமைச்சராக இருக்கும் கிரிராஜ் சிங், ராகுல் காந்தி "நாட்டு மக்களை தவறாக வழிநடத்தியதாக" குற்றம் சாட்டினார்.

"ஒரு மீன்வளத் துறை உள்ளது என்பதை அவர் அறிந்து கொள்ள வேண்டும், அதற்காக ரூ .20,050 கோடி முதலீடு செய்யப்பட்டுள்ளது. 70 ஆண்டுகளில், உங்கள் 'நானாஜி' மற்றும் பிறரால் செய்ய முடியாத பணிகள் பிரதமரால் செய்யப்பட்டுள்ளன "என்றார்.

"ராகுல் காந்தியின் உத்தி மீனவர்களை தவறாக வழிநடத்துவதாகும். அவர் நாட்டை தவறாக வழிநடத்த சதி செய்கிறார் அல்லது அவருக்கு போதுமான அறிவு இல்லை" என்று அவர் மேலும் கூறினார்.