போதைப் பொருள் விற்பனை மூலம் கிடைத்த பணத்தை வெள்ளையாக்க தமிழக பாடநூல் கழகத்தை பயன்படுத்திய ஜாபர் சாதிக்!

சர்வதேச போதை கடத்தல் விவகாரத்தில் கைது செய்யப்பட்ட போதை கடத்தல் மன்னன் ஜாபர் சாதிக் போதைப் பொருள் விற்பனை மூலம் கிடைத்த பணத்தை வெள்ளையாக்குவதற்காக தமிழக பாடநூல் கழகத்தை பயன்படுத்தியுள்ளது அமலாக்கத்துறை விசாரணையில் தெரியவந்துள்ளது இதனை தமிழக பாஜக மாநில தலைவர் அண்ணாமலையும் தனது சமூக வலைதள பக்கத்தில் குறிப்பிட்டுள்ளார்

சர்வதேச போதைப்பொருள் கடத்தல் கும்பல் தலைவனும் திமுக நிர்வாகியுமான ஜாஃபர் சாதிக் போதைப் பொருள் விற்பனை மூலம் கிடைத்த பணத்தை வெள்ளையாக்குவதற்கு, தமிழ்நாட்டுப் பாடநூல் கழகத்தைப் பயன்படுத்தியுள்ளது அமலாக்கத்துறை விசாரணையில் தெரியவந்துள்ளது ஜாஃபர் சாதிக்கின் நிறுவனமான கோலேசென்ஸ் வென்ச்சஸ் என்ற நிறுவனம் தமிழ்நாட்டுப் பாடநூல் கழகத்தின் ஒப்பந்ததாரர் நிறுவனமான ஸ்ரீ அப்பு டைரக்ட் என்ற நிறுவனத்துடன் ஒப்பந்தம் செய்து பொருள்களை வழங்கியுள்ளது தெரியவந்துள்ளது

ஜாஃபர் சாதிக் போதைப் பொருள் விற்பனை மூலம் கிடைத்த பணத்தை 2022–2023 காலகட்டத்தில் தனது கோலேசென்ஸ் வென்ச்சஸ் நிறுவனத்தில் முதலீடு செய்திருப்பது அமலாக்கத்துறை விசாரணையில் வெளிவந்துள்ளது இதே காலகட்டத்தில்தான் ஶ்ரீ அப்பு டைரக்ட் நிறுவனம் தமிழ்நாட்டுப் பாடநூல் கழகத்துடன் ஒப்பந்தம் செய்திருந்ததும் குறிப்பிடத்தக்கது இந்த ஒப்பந்தத்துக்கான பொருள்களை வழங்கியது ஜாஃபர் சாதிக்கின் கோலேசென்ஸ் வென்ச்சஸ் நிறுவனம் ஆகும்

குறிப்பிட்ட காலகட்டத்தில் திமுக நிர்வாகியாக இருந்த ஜாஃபர் சாதிக் போதைப்பொருள் விற்பனை மூலம் கிடைத்த பணத்தை வெள்ளையாக்குவதற்கு தமிழ்நாட்டுப் பாடநூல் கழகம் மறைமுகமாக உதவி செய்துள்ளதாகவே இதன் மூலம் தெரிய வருகிறது பள்ளிக் கல்வித் துறை அமைச்சர் அன்பில் மகேஷ் பொய்யாமொழி அவர்கள் இது குறித்து விளக்கமளிக்க வேண்டும் என்று வலியுறுத்துகிறேன் என தெரிவித்துள்ளார்