சோனியாவுக்கு சிலை வைத்த நீங்கள்லாம் பேசலாமா? துறவியை இழிவுபடுத்திய காங்கிரசுக்கு நெட்டிசன்கள் பதிலடி.!

நாடு முழுவதும் பாதிரியார்கள் மற்றும் கன்னியாஸ்திரி இடையே இருந்த கள்ளத் தொடர்பைப் பார்த்ததால், இளம் கன்னியாஸ்திரி கொலை செய்யப்பட்டு கிணற்றில் வீசப்பட்ட வழக்கில் வழங்கப்பட்ட தீர்ப்பு குறித்து விவாதித்துக் கொண்டிருக்கும் சமயத்தில், அது பற்றி கருத்து எதுவும் கூறாத காங்கிரஸ் கட்சியை பலரும் சமூக ஊடகங்களில் விமர்சித்து வருகின்றனர்.

 

இந்நிலையில் கேரள காங்கிரஸ் ட்விட்டர் பக்கத்தில் பா.ஜ.க தலைவர்கள் ஒரு சமண முனிவரை சந்தித்து ஆசி பெற்றதை இழிவாக விமர்சித்து பதிவிட்ட ட்வீட் வைரலாகிக் கொண்டு இருக்கிறது. "பா.ஜ.க தலைமை இப்படிப்பட்ட மதத் தலைவர்களைத் தான் வணங்குகிறது. இப்படி இருக்கும் போது நமது நாடு முன்னேற எதாவது வாய்ப்பு இருக்கிறதா? இது நம்மை 600 ஆண்டுகள் பின்னே இழுத்துச் செல்லப் போகிறது" என்று கேரள காங்கிரஸ் பதிவிட்டது சர்ச்சையை ஏற்படுத்தியுள்ளது.

 

BJP's leadership worships Godmen like these.Is there any chance for our Country2progress? Will take us back 600 yrs! pic.twitter.com/UhRGGkeTee

— Congress Kerala (@INCKerala) December 8, 2014

 

அமைதியான, புழு, பூச்சிகளைக் கூட துன்புறுத்தாத சமண மதத் துறவிகளை இழிவுபடுத்தி காங்கிரஸ் இவ்வாறு பதிவிட்டதை பலரும் விமர்சித்து வருகின்றனர். இத்தாலிக்காரர்கள் தலைமையில் இயங்கும் காங்கிரஸ் கட்சி எப்படி இந்திய, இந்து மதப் பிரிவுகளுக்கு மதிப்பளிக்கும் என்று விமர்சிக்கப்படுகிறது.

 

மேலும் மறைந்த பிரதமரும் காங்கிரஸ் தலைவராக பதவி வகித்த வருமான இந்திரா காந்தி இதேபோன்று சமண துறவி ஒருவரை சந்தித்த புகைப்படத்தை வெளியிட்டு காங்கிரஸ் தன் சொந்த வரலாற்றையே மறந்து விட்டதா என்று கேள்வி எழுப்பி வருகின்றனர். திகம்பர முனியைச் சந்தித்து ஆசி பெற்ற பின்னர் தான் 'ஹஸ்த' முத்திரை அல்லது 'கை' சின்னத்தையே இந்திரா காந்தி தேர்ந்தெடுத்தார் என்று ஜெயின்கள் பலர் சுட்டிக் காட்டி வருகின்றனர்.