காய்கறி வாங்கச்சென்ற இந்து பெண் கடத்தப்பட்டு தர்காவில் கட்டாய மதமாற்றம் - இன்னும் என்னென்ன அநியாயம் நடக்கப் போகிறது?

பாகிஸ்தானின் சிந்து மாகாணம், மிர்பூர் காஸ் மாவட்டத்தில் இந்து பெண் கரிஷ்மா பீல் (16) பிப்ரவரி 15 அன்று துப்பாக்கி முனையில் கடத்தப்பட்டார். பின்னர் கட்டாய மதமாற்றத்திற்காக சிந்து மாகாணத்தில் சமரோவில் உள்ள சிர்ஹண்டி தர்காவிற்கு அழைத்துச் செல்லப்பட்டார்.

ஆயுதம் ஏந்திய நபர்கள் அவளை அழைத்துச் சென்றதாக அவரது பெற்றோர் வாக்குமூலம் அளித்துள்ளனர். அவரும் அவரது தம்பியும் காய்கறிகளை வாங்க வெளியே சென்றபோது கரிஷ்மா கடத்தப்பட்டதாக ANI அறிக்கை கூறுகிறது. அறிக்கையின்படி, உமர்கோட்டில் வசிக்கும் ரூஃப் மற்றும் அவரது இரண்டு நண்பர்களால் அவர் துன்புறுத்தப்படுவதாக அவரது சகோதரர் கூறினார். பிப்ரவரி 15 அன்று, காய்கறி வாங்க சந்தையை அடைந்தபோது, ​​ரூஃப் தனது நண்பர்களுடன் சேர்ந்து கரிஷ்மாவை வலுக்கட்டாயமாக அவர்களுடன் அழைத்துச் சென்றார் என அறிக்கைம் கூறுகிறது.

கரிஷ்மாவின் தந்தை ரமேஷ் பீல் கூறுகையில், நௌகோட் காவல் துறையினர் காணாமல் போனவர்களின் பதிவுகளில் மட்டுமே பதிவு செய்துள்ளதாகவும், ரூஃப் மற்றும் அவரது நண்பர்கள் மீது எஃப்ஐஆர் பதிவு செய்யவில்லை என்றும் கூறினார். குற்றம் சாட்டப்பட்டவர்கள் மீது கடத்தல் வழக்கு பதிவு செய்யப்படுவதற்கு இன்னும் ஒரு வாரம் காத்திருக்க வேண்டும் என்றும் போலீஸ் அதிகாரிகள் கூறியதாக ரமேஷ் தெரிவித்தார். 

பிப்ரவரி 19 அன்று, நவுகோட் போலீசார் தந்தையை அழைத்து, பிப்ரவரி 18 தேதியிட்ட சான்றிதழின் நகலை அவரிடம் கொடுத்தனர், அதில் சிறுமி தனது சொந்த விருப்பத்தின் பேரில் இஸ்லாத்தை ஏற்றுக்கொண்டதாக குறிப்பிடப்பட்டுள்ளது. மதமாற்றத்திற்குப் பிறகு சிறுமியின் பெயரும் மாற்றப்பட்டுள்ளதாக போலீஸார் தெரிவித்தனர்.

கரிஷ்மாவின் ஆவணங்கள் அவருக்கு வெறும் 16 வயதுதான் என்பதைத் தெளிவாகக் காட்டுகின்றன, எனவே சிந்துவின் குழந்தைத் திருமணத் தடுப்புச் சட்டத்தின் கீழ் திருமணம் செய்ய முடியாது. இந்த சட்டம் பின்பற்றப்படுவதை விட அதிகமாக மீறப்படுகிறது - பாகிஸ்தான் நீதிமன்றங்கள் ஒரு பெண்ணுக்கு மாதவிடாய் தொடங்கியவுடன் திருமணம் செய்து கொள்ளலாம் என்று தீர்ப்புகளை வழங்கியுள்ளன. பாகிஸ்தானில் சிறார்களை கட்டாய மதமாற்றத்திற்கு எதிராக எந்த சட்டமும் இல்லை.