ஹர் கர் திரங்கா பிரச்சாரத்தின் வீட்டில் பாகிஸ்தான் கொடியை ஏற்றிய இளைஞர்!

75-வது சுதந்திர தினத்தை முன்னிட்டு மத்திய அரசு தொடங்கியுள்ள ஹர் கர் திடாங்கா பிரச்சாரத்தின் மத்தியில், உத்தரபிரதேச மாநிலம் குஷிநகரில் பாகிஸ்தானின் தேசியக் கொடியை முஸ்லிம் இளைஞர் ஏற்றினார். அந்த நபர் சல்மான் என அடையாளம் காணப்பட்டுள்ளார். தகவல்களின்படி , சல்மான் குஷிநகரின் பெண்டுபர் முஸ்தகில் கிராமத்தில் வசிப்பவர். அவர் தனது வீட்டின் மொட்டை மாடியில் பாகிஸ்தான் கொடியை ஏற்றிய காட்சி சமூக வலைதளங்களில் வைரலாக பரவி வருகிறது. இச்சம்பவத்தால் ஆத்திரமடைந்த அப்பகுதி மக்கள் உடனடியாக பொலிசாருக்கு தகவல் அளித்து நடவடிக்கை எடுக்குமாறு நிர்வாகத்திடம் கோரிக்கை விடுத்துள்ளனர்.

'ஹர் கர் திரங்கா' பிரச்சாரத்தை அவமதித்து, அதற்குப் பதிலாக பாகிஸ்தானின் தேசியக் கொடியை ஏற்றியதன் மூலம் சல்மான் இந்தியாவுக்கு எதிரான செயல்களில் ஈடுபட்டதாக உள்ளூர்வாசிகள் புகார் தெரிவித்தனர். புகாரை சரிபார்ப்பதற்காக சம்பவ இடத்திற்கு வந்த போலீசார், உடனடி நடவடிக்கையாக சல்மானிடம் கொடியை கழற்றுமாறு கூறினர். குஷிநகரில் உள்ள இஸ்லாமியர் மீது தாரயா சுஜன் காவல்நிலையத்தில் போலீஸார் புகார் பதிவு செய்தனர். குற்றம் சாட்டப்பட்டவரின் குடும்பத்தினர் அவரை பாகிஸ்தானின் தேசியக் கொடியை ஏற்ற விடாமல் தடுத்ததாகவும், ஆனால் பலனில்லை என்றும் செய்திகள் குறிப்பிடுகின்றன. அவர் தனது குடும்ப உறுப்பினர்களுடன் உடன்படாமல் தனது வீட்டின் மொட்டை மாடியில் பாகிஸ்தான் கொடியை ஏற்றினார்.

சம்பவம் குறித்து செய்தியாளர்களிடம் பேசிய கூடுதல் காவல் கண்காணிப்பாளர் ரித்தேஷ் குமார் சிங், அந்த நபர் மீது வழக்குப் பதிவு செய்யப்பட்டுள்ளதை உறுதி செய்தார். போலீசார் முதலில் சம்பவ இடத்திற்கு வந்து புகாரை சரிபார்த்தனர். பின்னர் அதிகாரிகள் பாகிஸ்தான் கொடியை கழற்றுமாறு சல்மானிடம் கூறி, அவர் மீது புகார் அளித்தனர்.

Input & Image courtesy: OpIndia news