கட்டாய மதமாற்றம்: வீட்டுக்கே வந்து தேவாலயத்திற்கு அழைத்த பாதிரியார் - பிரார்த்தனையில் பஜனை படிய இந்து குடும்பம்!

ஞாயிற்றுக்கிழமை (அக்டோபர் 17) காலை, பஜ்ரங் தளம் மற்றும் விஷ்வ இந்து பரிஷத் உறுப்பினர்கள் கர்நாடகாவின் ஹுப்பலி பகுதியில் உள்ள ஒரு தற்காலிக தேவாலயத்திற்குள் பஜனை பாடினர். இந்த நடவடிக்கை தேவாலய அதிகாரிகளால் நடத்தப்படும் கட்டாய மத மாற்ற திட்டங்களுக்கு எதிரான எதிர்ப்பின் அடையாளமாகும்.

என்டிடிவியின் இந்த சம்பவத்தின் தொடர்பாக வெளியிட்ட வீடியோவில், ஹுப்பலியில் உள்ள பைரிதேவர்கோப்பா தேவாலயத்திற்குள் பல பெண்கள் மற்றும் ஆண்கள் கைகளை கூப்பி பஜனை செய்வதை காட்டுகிறது.

பாதிரியார் சோமு ஆவாரதியை கைது செய்ய வேண்டும் என்று பாஜக தலைவர் கோரிக்கை முன்வைத்துள்ளார்.

இது குறித்து பஜ்ரங்தளத்தின் மாநில ஒருங்கிணைப்பாளர் ரகு சக்லேஷ்போரா கூறுகையில், கடந்த சில நாட்களுக்கு முன்னர் விஸ்வநாத் என்ற நபர் மதமாற்றத்திற்காக அங்கு அழைத்துச் செல்லப்பட்டார். அவர் தேவாலயத்திலிருந்து காவல் நிலையம் சென்று பாஸ்டர் சோமு மற்றும் இன்னும் சிலர் மீது கட்டாய மதமாற்ற புகார் அளித்தார். அதனை தொடர்ந்தே எங்கள் உறுப்பினர்கள் தேவாலயத்திற்குள் கூடி, எதிர்ப்பு தெரிவிப்பதற்காக, இந்து பஜனை பாட ஆரம்பித்தனர் என்று தெரிவித்துள்ளார்.

பஜ்ரங் தளம், விஷ்வ ஹிந்து பரிஷத் உறுப்பினர்கள் மற்றும் பாஜக எம்எல்ஏ அரவிந்த் பெல்லட் ஆகியோர் ஞாயிற்றுக்கிழமை நவநகர் காவல் நிலையம் முன்பு ஆர்ப்பாட்டத்தில் ஈடுபட்டனர். காய்கறி விற்பனையாளர் விஸ்வநாத், பாதிரியார் மற்றும் பிறருக்கு எதிராக கட்டாய மதமாற்றம் செய்ததாக வழக்குத் தொடுத்துள்ளார். கிறிஸ்தவ பிரார்த்தனைகளுக்குப் பதிலாக இந்து பிரார்த்தனைகளைச் செய்யச் சொன்னபோது தேவாலயத்தில் தான் துஷ்பிரயோகம் செய்யப்பட்டதாக குற்றம் சாட்டினார்.