வாட்ஸ் அப்பில் விரைவில் வரப்போகும் அம்சம் இதுதான்.!

வாட்ஸ்அப் நம் வாழ்க்கையின் ஒரு சிறப்பு அங்கமாகிவிட்டது என்பது மறுக்க முடியாத விஷயம். இதன் மூலம், நாம் நேரில் சென்று சந்திக்காத நம் உறவினர்கள் மற்றும் நண்பர்களுடன் தொடர்ந்து இணைந்திருக்கலாம். வாட்ஸ்அப் தொடர்ந்து பயனர்களை ஈர்க்க பல்வேறு அம்சங்களை வழங்கி வருகிறது. தொழில்நுட்ப தளமான WaBetaInfo இன் புதிய அறிக்கையின்படி, இப்போது வாட்ஸ்அப்பில் Logout அம்சம் கிடைக்கப்போகிறது. இந்த அம்சம் எப்போது கிடைக்கும் என்று மக்கள் நீண்ட காலமாக எதிர்பார்த்துக் கொண்டிருந்தனர், மேலும் இந்த அம்சம் அனைவருக்கும் மிகவும் முக்கியமானது. 

வாட்ஸ்அப் உங்களுக்கு ஏற்ற அம்சங்களைக் கொண்டுவர தொடர்ந்து முயற்சி செய்து கொண்டிருக்கிறது. காலையிலிருந்து மற்றும் இரவு வரை நீங்கள் மக்களிடமிருந்து தொடர்ந்து செய்திகளைப் பெறுகிறீர்கள், எனவே இதிலிருந்து ஓய்வு எடுக்க உங்களுக்கு நேரமே இருக்காது. அதற்கு, இப்போதைக்கு வாட்ஸ்அப்பில் கணக்கை நீக்கு (Delete Account) என்ற விருப்பம் மட்டுமே இருந்தது.

ஆனால் ஒவ்வொரு முறையும் Delete Account விருப்பத்தைப் பயன்படுத்துவது என்பது சற்று சிக்கலான விஷயமாக இருக்கும். எனவே இப்போது வாட்ஸ்அப்பில் பயனர்களுக்கு Logout விருப்பம் கிடைக்கும். புதிய Logout விருப்பம் வாட்ஸ்அப்பின் பீட்டா பதிப்பில் கிடைக்கிறது. புதிய லாக் அவுட் அம்சம் வாட்ஸ்அப் மெசஞ்சர் மற்றும் பிசினஸ் பதிப்பு என இரண்டிலுமே வரும் என்று கூறப்படுகிறது. இது iOS மற்றும் Android இரண்டிலுமே விரைவில் புதுப்பிக்கப்படும் என்று எதிர்பார்க்கப்படுகிறது.