சசிகலா புஷ்பா வீடு கார் மீது தாக்குதல் - தி.மு.க அமைச்சரை மேடையில் பேசிய அடுத்த நாளே கொடூர சம்பவம்!

தூத்துக்குடியில் பாஜக மாநில துணைத் தலைவர் சசிகலா புஷ்பாவின் வீடு உள்ளது. அவர் நாகர்கோவில் சென்று இருந்ததால் இவரது வீடு பூட்டப்பட்டு இருந்தது.

இந்தநிலையில் ஆட்டோ மற்றும் இரண்டு சக்கர வாகனத்தில் வந்த பெண்கள் உள்ளிட்ட சுமார் 5 நபர்கள் சசிகலா புஷ்பாவின் பூட்டிய வீட்டின் முன்பு நிறுத்தப்பட்டிருந்த அவரது கார் மற்றும் வீட்டில் உள்ள பூந்தொட்டி, வீட்டின் ஜன்னல் கண்ணாடி உள்ளிட்டவைகளை அடித்து நொறுக்கி விட்டு சிறிது நேரத்தில் அங்கிருந்து தப்பிவிட்டனர்.

இந்த சம்பவம் தொடர்பாக தூத்துக்குடி சிப்காட் காவல் நிலைய போலீசார் விசாரணை செய்து வருகின்றனர். இந்த சம்பவத்தை தொடர்ந்து சசிகலா புஷ்பாவின் வீட்டு முன்பு திரண்ட பாஜகவினர் இந்த சம்பவத்தில் ஈடுபட்ட தி.மு.க குண்டர்களை உடனடியாக கைது செய்யக்கோரி ஆர்ப்பாட்டத்தில் ஈடுபட்டனர். இதனால் சிறிது நேரம் இங்கு பரபரப்பு ஏற்பட்டது. 

Input From: News 18