சேலம் அருகே அரசுப்பேருந்து கவிழ்ந்து விபத்து.. பயணிகள் படுகாயம்.!

சேலம் அருகே அரசுப்பேருந்து ஒன்று கவிழ்ந்து விபத்திற்குள்ளானதில் 14க்கும் மேற்பட்ட பயணிகளுக்கு காயம் ஏற்பட்டுள்ளதாக தகவல் வெளியாகியுள்ளது.

பெரம்பலூர் மாவட்டத்தில் இருந்து சேலத்திற்கு அரசுப்பேருந்து ஒன்று 40க்கும் மேற்பட்ட பயணிகளுடன் சென்று கொண்டிருந்தது. அப்போது பேருந்து சேலம் மாவட்டம், வாழப்பாடி அருகே சென்று கொண்டிருந்தபோது ஓட்டுநரின் கட்டுப்பாட்டை இழந்து சாலையோரம் உள்ள பள்ளத்தில் கவிழ்ந்து விபத்திற்குள்ளானது.

இதில் பேருந்து ஓட்டுநர் உட்பட 14க்கும் மேற்பட்ட பயணிகளுக்கு காயம் ஏற்பட்டது. இது பற்றி தகவல் அறிந்த ஏத்தாப்பூர் போலீசார், சம்பவ இடத்திற்கு சென்று காயமடைந்தவர்களை மீட்டு சேலம் அரசு மருத்துவமனைக்கு அனுப்பி வைத்தனர். இந்த விபத்து தொடர்பாக போலீசார் வழக்குப்பதிவு செய்து விசாரணை நடத்தி வருகின்றனர்.