பல்வேறு வளர்ச்சி திட்டங்களை தொடங்கி வைத்ததில் மகிழ்ச்சி அடைகிறேன்: பிரதமர் மோடி பெருமிதம்!

பிரதமர் மோடி கோவையில் நடைபெறும் அரசு நிகழ்ச்சிகளில் பங்கேற்றார். இதன் பின்னர் ரூ.12,400 கோடி மதிப்பிலான திட்டங்களை தொடங்கி வைத்து உரையாற்றினார்.

முதலில் உரையை தொடங்கும் முன்னர் வணக்கம் என்று ஆரம்பித்தார். அப்போது உழுதுண்டு வாழ்வாரே வாழ்வார், மற்றெல்லாம், தொழுதுண்டு பின் செல்பவர் என்ற திருக்குறளை மேற்கோள்காட்டி பிரதமர் உரையை தொடங்கினார்.

இதன் பின்னர் பவானிசாகர் அணை விரிவாக்க திட்டம், தமிழ்நாட்டின் விவசாயிகளுக்கு மேம்பாடு அளிக்கும் திட்டம் ஆகும் என பேசினார். பவானிசாகர் அணை விரிவாக்கம் திட்டத்தால் 2 லட்சம் ஏக்கர் நிலங்கள் பாசன வசதி பெறும் என்றார். மேலும் தமிழகத்தில் வளர்ச்சி திட்டங்களை தொடங்கி வைத்ததில் பெருமிதம் அடைகிறேன் என்றார்.