தமிழ் என் தாய் மொழி, தமிழனாய் வாழ்வதே எனக்கு பெருமை : சீண்டி பார்த்தவர்களுக்கு டுவிட்டரில் மிதலி ராஜ் கொடுத்த பதிலடி.!

இந்திய பெண்கள் கிரிக்கெட் அணியின் கேப்டன் மிதாலி ராஜிற்கு தமிழ் தெரியாது, மற்ற  மொழிகள் மட்டும் தெரியும் என டுவிட்டரில் கேலி செய்தவர்களிற்கு அவர் தமிழில் பதில் அளித்துள்ளதுடன் "தமிழ் என் தாய் மொழி" என குறிப்பிட்டுள்ளார்.

தென்னாபிரிக்க பெண்கள் கிரிக்கெட் அணிக்கு எதிரான ஒரு நாள் போட்டித்தொடரை இந்திய பெண்கள் அணியினர் கைப்பற்றியுள்ளனர். மேலும் பெண்கள் கிரிக்கெட் உலகில் 20 வருடங்களை பூர்த்தி செய்த ஒரேயொரு வீராங்கனை என்ற வரலாற்று சாதனையையும் மித்தாலி ராஜ் நிகழ்த்தியுள்ளார்.

மித்தாலி ராஜின் இந்த சாதனையை இந்திய கிரிக்கெட் ஜாம்பவான் சச்சின் டெண்டுல்கர் டுவிட்டரில் பாராட்டியிருந்தார்.

சச்சின் டெண்டுல்கரின் இந்த டுவிட்டிற்கு பதிலளித்திருந்த மித்தாலி ராஜ் ஆங்கிலத்தில் "நான் எனது வாழ்க்கை முழுவதும் உதாரணமாக கொண்ட நபர் ஒருவரால் பாரட்டுப்பெறுவது மிகவும் சிறப்பான ஒன்று" என தெரிவித்துள்ளார்.