ஒரே நாளில் மூன்று மாவட்டங்களில் சூறாவளி பிரச்சாரம் செய்ய இருக்கும் மோடி!

பிரதமர் மோடி தமிழ்நாட்டுக்கு ஏற்கனவே நான்கு தடவை வந்து பிரச்சாரம் செய்துள்ளார் .சென்னை, பல்லடம் ,மதுரை, ராமேஸ்வரம் கன்னியாகுமரி நகரங்களில் அவரது பொதுக்கூட்டம் நடத்தப்பட்டது. இந்த நிலையில் பிரதமர் மோடி மீண்டும் தமிழகத்திற்கு தேர்தல் பிரச்சாரத்திற்கு வர உள்ளார் .தமிழகத்தில் அடுத்த வாரம் முதல் தேர்தல் பிரச்சாரம் மேலும் தீவிரமாக உருவெடுக்கும். இந்த நிலையில் பிரதமர் மோடி தமிழகத்திற்கு வரும் சுற்றுப்பயணத்திட்டம் தயாரிக்கப்பட்டு வருகிறது .

தமிழகத்தில் இறுதி வேட்பாளர் பட்டியல் வெளியான பிறகு தலைவர்கள் பிரச்சாரத்துக்கு 21 நாட்கள் மட்டுமே அவகாசம் உள்ளது. அந்த காலகட்டத்தில் பிரதமர் மோடி மூன்று தடவை வர வாய்ப்பு இருப்பதாக முதலில் தகவல் வெளியானது .ஆனால் தற்போது பிரதமர் மோடி தமிழகத்திற்கு ஒரு தடவை வர மட்டுமே வாய்ப்பு இருப்பதாக தெரியவந்துள்ளது .அப்போது அவர் மூன்று மாவட்டங்களில் பிரச்சாரம் செய்வார் என்று கூறப்படுகிறது .

கரூர், விருதுநகர் ,தஞ்சாவூர் ஆகிய மூன்று நகர்களுக்கு பிரதமர் மோடி செல்லக்கூடும் என தெரியவந்துள்ளது. அனேகமாக பிரதமர் மோடி அடுத்த வாரம் தமிழகம் வருவார் என்று தெரிகிறது .ஆனால் உத்தரபிரதேசத்திலும் அவர் 30-ஆம் தேதி முதல் பிரச்சாரம் செய்ய உள்ளார். அதற்கு ஏற்ப அவரது தமிழக சுற்றுப்பயணம் அமையும்.

SOURCE :Dinaseithi