தலீபான் ஆட்சியில் சமோசா விற்கும் பத்திரிகையாளர் - ஒரே வருடத்தில் தலைகீழாக மாறிய வாழ்க்கை!

ஆப்கானிஸ்தானை தலிபான்கள் கைப்பற்றியதில் இருந்து பல பொருளாதார மற்றும் அரசியல் நெருக்கடியை எதிர்கொண்டுள்ளது. கபீர் ஹக்மாலின் சமீபத்திய ட்விட்டர் பதிவு, நாட்டில் எத்தனை திறமையான வல்லுநர்கள் வறுமையில் தள்ளப்பட்டுள்ளனர் என்பதைக் காட்டுகிறது.

ஹக்மல் ஆப்கானிஸ்தான் பத்திரிகையாளரான மூசா முகமதியின் புகைப்படத்தைப் பகிர்ந்துள்ளார். பல ஆண்டுகளாக ஊடகத் துறையின் ஒரு பகுதியாக இருந்தார், இருப்பினும், ஆப்கானிஸ்தானில் இத்தகைய மோசமான பொருளாதார சூழ்நிலைக்கு மத்தியில், அவர் இப்போது உணவுகளை விற்பதாகக் கூறினார்.

மூசா முகமதி பல ஆண்டுகளாக பல்வேறு தொலைக்காட்சி சேனல்களில் தொகுப்பாளராகவும் நிருபராகவும் பணியாற்றினார், இப்போது அவரது குடும்பத்திற்கு உணவளிக்க வருமானம் இல்லை. கொஞ்சம் பணம் சம்பாதிக்க தெரு உணவுகளை விற்கிறார். குடியரசின் வீழ்ச்சிக்குப் பிறகு ஆப்கானியர்கள் மக்கள் வறுமையை அனுபவிக்கிறார்கள் என்று அவர் கூறினார்.

ஆப்கானிஸ்தானில் தலிபான்கள் ஆட்சி அமைந்துள்ள நிலையில், அன்றாடம் அதன் கோர முகத்தைக் காண்பதாகக் கூறுகின்றனர் அந்நாட்டு மக்கள். சாலைகளில் பொதுமக்கள் கொலை செய்யப்படுகின்றனர். தலிபான்களின் கெடுபிடி ஒருபுறம் வறுமை மறுபுறம் என மக்கள் சொல்ல இயலாத துயரங்களில் சிக்கித் தவிக்கின்றனர்.

Input from: NDTV