இஸ்லாமியர்களுக்காக அம்பேத்கர் சிலையையே அகற்றச் சொன்ன திருமாவளவன்.!

 

"இஸ்லாமிய மார்க்கத்தில் உருவ வழிபாடு ஏற்புடையது அல்ல என்பதாலும் இஸ்லாமிய மார்க்க உண்ர்வுகளைப் பாதிக்கிறது என்பதாலும் தலித்துகளுக்கும் இஸ்லாமியர்களுக்கும் இடையேயான நல்லிணக்கத்தை மேம்படுத்தும் வகையில் மேற்குறிப்பிட்டுள்ள புரட்சியாளர் அம்பேத்கர் அவர்களின் சிலையை 'தவ்ஹீத் ஜமாத்தின்' கோரிக்கையை ஏற்று தகுந்த மாற்று இடத்தில் வைப்பதற்கு இஸ்லாமியர்களுக்கு எல்லாவகையிலும் விடுதலை சிறுத்தைகள் முழு ஒத்துழைப்பையும் உதவிகளையும் அளிக்கும்" என்று அந்த கடிதத்தில் குறிப்பிடப்பட்டுள்ளது. இப்போது தெரிகிறதா யார் அந்த தலித் உரிமைக் காவலர் என்று? இந்த பயந்தாங்கொள்ளி தான் இன்று "சனாதனத்தை வேரறு, மனு தர்மத்தை எரி" என்று சக சமூகத்தினரைத் தூண்டி விட்டுக் கொண்டிருக்கிறார்.

 

ஒரு சிலை வைக்கும் விஷயத்தில் கூட தனது சமுதாயத்தினருக்கே ஆதரவாக நிற்காத திருமாவளவன் தான் இந்து பெண்களைப் பாதுகாக்கப் போகிறாரா? முத்தலாக் வழங்குவதை குற்றமாக அறிவித்து மத்திய அரசு சட்டம் இயற்றிய போது ஷரியத் சட்டத்தின் மீது கை வைக்கிறார்கள் என்று போராட்டத்தில் குதித்த திருமாவளவனுக்கு இந்துப் பெண்கள் மீது மட்டும் இவ்வளவு கரிசனம் ஏன்? எல்லாம் தி.மு.கவிடம் எதிர்பார்க்கும் 'கிருப கிருப' தான்.

 

இந்த சம்பவத்தில் மற்றொரு முக்கிய விஷயம் அப்போது ஆட்சியில் இருந்தது தி.மு.க என்பது. சிலையை அகற்றுவதை எதிர்த்து பொதுநல மனு தாக்கல் செய்யப்பட்ட நிலையில், நீதிமன்றம் தடை உத்தரவு பிறப்பித்தது. ஆனால் சமூக நீதியின் கலங்கரை விளக்கமான தி.மு.கவோ ஆட்சி அதிகாரத்தைப் பயன்படுத்தி நடுநிசியில் காவலர்களைக் குவித்து தாழ்த்தப்பட்டோரை அவர்களது வீட்டை விட்டு வெளியேறக் கூட விடாமல் செய்து சிலையை அகற்றி தாழ்த்தப்பட்ட மக்கள் வசித்த பகுதியில் இருந்த குளத்தில் மண் கொட்டி நிரப்பி அங்கே வைத்து விட்டது.

 

நீதிமன்ற உத்தரவை மீறுவதாக துணை முதல்வர் ஸ்டாலினுக்கு அவசரமாக தந்தி எல்லாம் கொடுத்தும் மறுநாள் வழக்கு மீண்டும் விசாரணைக்கு எடுத்துக் கொள்ளப்பட்ட போது அரசுத் தரப்பில் 'ராஜா கலிபுல்லா' என்ற வழக்கறிஞர் ஆஜராகி இருக்கிறார். அவர், "தலித் மக்களை விருப்பப்பட்டு தங்கள் பகுதியில் சிலையை மாற்றி வைத்துக் கொண்டதாக" கூறுகிறார். இதன் பின்னர் உண்மையில் நடந்தது என்ன என்று அறிய ஊர் மக்களிடம் வாக்குமூலம் பெறுமாறு நீதிமன்றம் உத்தரவிட்டுள்ளது.‌ அப்போதும் சாட்சி சொல்ல முயன்றவர்களை நீதிமன்றத்துக்கே செல்ல விடாமல் காவல் துறை மூலம் தடுத்திருக்கிறது தி.மு.க அரசு.

 

அதன் பின்பு அவர்கள் நீதிமன்றத்தில் சாட்சி சொன்ன போது "இவர்கள் ஊர் மக்களே இல்லை. காசு கொடுத்து கூட்டி வந்திருக்கிறார்கள்" என்று ஒரே போடாகப் போட்டிருக்கிறார் அரசு வழக்கறிஞர் கலிபுல்லா. இவ்வாறு பொய்யாக கட்டமைக்கப்பட்ட ஆவணங்கள் புனையப்பட்ட சம்பவங்கள் அனைத்தையும் இறுதியாக உடைத்தெறிந்து அம்பேத்கர் சிலையை மீண்டும் அதே இடத்திலேயே நிறுவ நீதிமன்றம் உத்தரவிட்ட பின்னர் வேறு வழியில்லாமல் இறங்கி வந்திருக்கிறது தி.மு.க அரசு. இந்த சம்பவத்தில் இருந்தே தி.மு.கவும் வி.சி.கவும் சமூக நீதியைக் காப்பாற்றிய லட்சணம் தெள்ளத் தெளிவாகிறது.