வேற லெவல் ஆக மாறப்போகும் புதுச்சேரி... மத்திய அரசினால் கிடைக்கும் புதிய மாற்றம்..

ஸ்மார்ட் பஸ் ஷெல்டர்களில் சிசிடிவிகள், சார்ஜிங் பாயிண்ட்கள் மற்றும் LED டிஸ்ப்ளே போர்டுகள் போன்ற பல வசதிகள் இருக்கும். 3.25 கோடி திட்டத்திற்கு விரைவில் டெண்டர் விடப்பட உள்ளது. விரைவில், புதுச்சேரியில் பஸ்சுக்காக காத்திருக்கும் பயணிகள் எப்.எம் ரேடியோ ஸ்டேஷன்களை கேட்கவும், மொபைல் போன் மற்றும் லேப்டாப்பை சார்ஜ் செய்யவும் முடியும். புதுச்சேரி யூனியன் பிரதேசத்தில் ஸ்மார்ட் சிட்டி இயக்கத்தின் ஒரு பகுதியாக 20 ஸ்மார்ட் பேருந்து நிழற்குடைகளை அமைக்க புதுச்சேரி போக்குவரத்துத் துறை திட்டமிட்டுள்ளது.  

மேலும் திட்டத்திற்கான முன்மொழிவுக்கான கோரிக்கையை (RFP) தயாரிக்கும் செயல்முறை நடந்து வருகிறது. விரைவில் டெண்டர் விடப்பட்டு, ஸ்மார்ட் சிட்டி மிஷனின் கீழ் கிடைக்கும் ₹3.25 கோடி மதிப்பீட்டில் போக்குவரத்துத் துறை இத்திட்டத்தை செயல்படுத்தும். திட்டத்திற்கான சிஸ்டம் இன்டக்ரேட்டர் ஜூலைக்குள் இறுதி செய்யப்படும் என்று அதிகாரப்பூர்வ வட்டாரங்கள் தெரிவித்தன.

நகரில் 20 ஸ்மார்ட் பஸ் ஷெல்டர்களை நாங்கள் திட்டமிட்டுள்ளோம். இந்திரா காந்தி சதுக்கம், ராஜீவ் காந்தி சதுக்கம், ரயில் நிலையம், பேருந்து நிலையம், ராஜா தியேட்டர் சிக்னல், முருகா தியேட்டர் சந்திப்பு, வெங்கட சுப்பா ரெட்டியார் சதுக்கம், எஸ்வி பட்டேல் சாலை மற்றும் சுப்பையா சாலை-செஞ்சி சாலை சந்திப்பு ஆகிய இடங்களில் பேருந்து நிழற்குடைகள் அமைக்கப்படும் என எதிர்பார்க்கப்படுகிறது.

Input & Image courtesy: News