நெற்றியில் திலகம் இல்லாத வ.உ.சி படத்தை பகிர்ந்த கனிமொழி.. இந்துக்களே இருக்க கூடாது என நினைக்கும் தி.மு.க?

ஓர் இனத்தை அழிக்க வேண்டும் என்றால் அவர்களின் அடையாளம், பண்பாடு, கலாச்சாரம், பழக்க வழக்கங்கள், நம்பிக்கைகள், வாழ்கை வழிமுறை போன்றவற்றை அழிக்க வேண்டும். அல்லது அவர்களின் அடையாளங்களை கொஞ்சம் கொஞ்சமாக மறக்கடிப்பதன் மூலம் சில ஆண்டுகளில் அதனை அடுத்த தலைமுறைக்கு கடத்தாமல் சுத்தமாக அழித்து ஒழிக்க முடியும்.

வருடங்கள் செல்ல செல்ல அழிக்கப்படவேண்டிய அடையாளங்களை அடுத்த தலைமுறையினரும் மறந்து புகுத்தப்பட்ட பழக்க வழக்கங்களை மேற்கொண்டு அதனை பின்பற்ற துவங்கி விடுவர் பின் அடுத்த தலைமுறையை தன் முந்தைய தலைமுறையின் வரலாற்று சுவடு கூட தெரியாமல் வளர்த்தெடுத்து அதில் தான் விரும்பு பழக்க வழக்கங்களை புகுத்தி ஓர் இனத்தையே மாற்ற முடியும்.

இப்படிப்பட்ட இனத்தை அழிக்கும் செயலைதான் திராவிடர் கழகமும் அதன் வழி வந்த திராவிட முன்னேற்ற கழகமும் இந்து சமுதாய மக்களின் மீது செய்து வருகின்றன. ஒருவன் இந்து என்பதன் அடையாளம் காண அவனை பார்க்கும் மற்றவர்களுக்கு கண்களில் தெரிவது அவன் நெற்றியில் வைக்கும் விபூதி மற்றும் கும்குமமே ஆகும்.

'நீறில்லா நெற்றிபாழ்' என இந்து மதத்தின் அடையாளமான "திருநீறு இல்லாத நெற்றி பாழ்" என்பது ஔவையார் வாக்கு. இப்படிப்பட்ட திருநீறை இந்து மதத்தில் பிறந்த ஒவ்வொருவனும் தன் வாழ்நாளில் வைக்காமல் இருக்க மாட்டான்.

பிறப்பு முதல் இறப்பு சடங்கு வரை திருநீறு இன்றி நடைபெறாது. அப்படிப்பட்ட இந்து மக்களின் அடையாளமான திருநீறை ஆன்மீககத்தை வாழ்க்கையாக வாழ்ந்தவர்களும், தேசத்தை தன் உயிராக போற்றியவர்களும் தன் வாழ்நாள் முழுக்க வைத்து வலம் வந்தனர்.

அப்படிப்பட்ட மகான்களை அவர்களின் அடையாளமான நெற்றி திலகங்களை தற்பொழுது திராவிடம் என்ற பெயரில் தன் அரசியல் பிழைப்பை இந்து மத மக்களை அழிக்க மட்டுமே உபயோகிக்கும் தி.க, தி.மு.க போன்ற கட்சிகள் அழித்து ஒழிக்க பார்க்கின்றன.