10 வயது சிறுமியை கூட விட்டு வைக்காமல் அத்துமீறல்? அரசு உதவி பெறும் கிறிஸ்தவ பள்ளி ஆசிரியர்கள் பாலியல் வன்கொடுமை வழக்கில் கைது!
2 teachers working in govt-aided Christian schools arrested for sexual abuse
தமிழகத்தில் பள்ளி குழந்தைகளை பாலியல் பலாத்காரம் செய்ததாக 2 வெவ்வேறு கிறிஸ்தவ பள்ளிகளைச் சேர்ந்த கிறிஸ்தவ ஆசிரியர்கள் கைது செய்யப்பட்டனர். அரசு உதவி பெறும் கிறிஸ்தவப் பள்ளியின் தலைமை ஆசிரியரால் பத்து வயதுக்குட்பட்ட குழந்தைகள் சீண்டலுக்கு ஆளாகினர். மற்றொரு அரசு உதவி பெறும் கிறிஸ்தவப் பள்ளியில் பணிபுரியும் கணித ஆசிரியரால், 10-ம் வகுப்பு மாணவிகள் பாலியல் துன்புறுத்தலுக்கு ஆளானதால் கைது செய்யப்பட்டார்.
திருநெல்வேலியில் உள்ள ஒரு கிராமத்தில் தமிழ் சுவிசேஷ லூத்தரன் சர்ச் நடத்தும் அரசு உதவி பெறும் தொடக்கப் பள்ளியின் தலைமை ஆசிரியர் தாமஸ் சாமுவேல் (57) என்பவர் 5ஆம் வகுப்பு படிக்கும் சிறுமிகளை பாலியல் வன்கொடுமை செய்து வந்துள்ளார். பாதிக்கப்பட்ட சிறுமிகள், இது குறித்து தனது பெற்றோரிடம் கூறவே, அவர்கள் அனைத்து மகளிர் காவல் நிலையத்தில் புகார் அளித்தனர். விசாரணையில் அவர் குழந்தைகளுக்கு ஆபாசத்தை காட்டியதுடன் , மேலும் 9 சிறுமிகளும் பாலியல் வன்கொடுமைக்கு ஆளானது தெரியவந்தது .
இவர் கடந்த 2012ம் ஆண்டு முதல் பள்ளியில் எச்.எம்., ஆக பணிபுரிந்து வருகிறார். ஏற்கனவே பள்ளியில் தேர்ச்சி பெற்ற மாணவர்களை அவர் துஷ்பிரயோகம் செய்தாரா என்பது தெரியவில்லை. அவர் மீது போக்சோ சட்டத்தின் கீழ் வழக்கு பதிவு செய்யப்பட்டுள்ளது. அவரது சொந்த கிராமத்தில் போலீசாரால் கைது செய்யப்பட்டார். சாமுவேலை பள்ளி இடைநீக்கம் செய்துள்ளதாகவும், பள்ளியின் அறிக்கையின் அடிப்படையில் அவர் மீது துறை நடவடிக்கை எடுக்கப்படும் என்றும் கல்வித்துறை அதிகாரிகள் தெரிவித்தனர்.