கோவில் குளத்தை ஆக்கிரமித்து சர்ச்.. தட்டிக்கேட்ட ஆதி திராவிடர்களை சாதிப் பெயர் சொல்லி திட்டிய கிறிஸ்தவர்கள்.!

உளுந்தூா்பேட்டை அருகே மதம் மாறிய கிறிஸ்தவர்கள் கோவில் நிலத்தை ஆக்கிரமித்து சர்ச் கட்டி இந்துக்களை தொந்தரவு செய்வதாக புகார் எழுந்துள்ளது. இது பற்றி அரசு அதிகாரிகளிடம் புகார் அளித்தும் நடவடிக்கை எதுவும் எடுக்காததால் ஊரை விட்டு வெளியேறவதாகக் கூறி மாவட்ட ஆட்சியரிடம் மனு அளித்துள்ளனர்.

மேலும் இறந்தவர்களுக்கு காரியம் செய்யும் இடத்தையும் ஆக்கிரமித்துள்ளதாகக் கூறுகின்றனர். இது குறித்து வருவாய் துறை மற்றும் காவல் துறையில் புகார் அளித்து அவர்கள் மூலம் பேச்சுவார்த்தை நடத்தியும் பலனில்லை என்று கூறப்படுகிறது. இந்நிலையில் கிறிஸ்தவர்கள் இந்து ஆதி திராவிடர்களை சாதி பெயரை சொல்லி இழிவாகப் பேசுவதும, தாக்குவது, இரு சக்கர வாகனம் உள்ளிட்டவற்றை சேதப்படுவத்து என்று தொந்தரவு செய்துள்ளனர்.

கடந்த டிசம்பர் 31ஆம் தேதி இரு தரப்பினரிடையே பிரச்சினை ஏற்பட்டு மோதலாக மாறியுள்ளது. இதையடுத்து வீரபாண்டியன் என்பவர் அளித்த புகாரின் பேரில் பிச்சை அந்தோணிராஜ், அற்புதராஜ், ஜக்கு, ஜெரால்ட்கிறிஸ்டி, அந்தோணிசாமி, அருள்தாஸ் உள்ளிட்ட 16 பேர் மீது காவல் துறையினர் வழக்கு பதிவு செய்துள்ளனர். மறு தரப்பின் சார்பில் பிச்சை அந்தோணிராஜ் அளித்த புகாரின் பேரில் வீரபாண்டியன், கண்ணன், ரத்தினம், சுப்ரமணி, முத்துகிருஷ்ணன் ஆகியோருடன் 13 பேர் மீது வழக்கு பதிவு செய்துள்ளனர்.