ஊழல் காங்கிரஸ் கட்சியில் இணையும் ஊழல் ஐ.ஏ.எஸ் அதிகாரி(முன்னாள்) சசிகாந்த் செந்தில்!

2009-ஆம் ஆண்டு இந்திய குடியியல் பணிகள் தேர்வில் வெற்றிப் பெற்றார் சசிகாந்த் செந்தில். இவர் பிறகு, கர்நாடகா மாநிலத்தில் துணை ஆட்சியர், ஆட்சியர் என பொறுப்புக்களை வகித்து வந்தார். இதனிடையே திடீரென 2019-ஆம் ஆண்டு செப்டம்பர் மாதம் தனது பதவியை ராஜினாமா செய்தார். அதற்கு அவர் பல்வேறு போராளி காரணங்கள் தெரிவித்தாலும், அவர் மீது இருந்த ஊழல் குற்றச்சாட்டுகளில் இருந்து தப்பிக்கவே அவசர அவசரமாக ராஜினாமா செய்தார் என்று சொல்லப்பட்டது.

இந்நிலையில் அவர் நாளை காங்கிரஸ் கட்சியில் சேரப்போவதாக தனது ட்விட்டர் கணக்கில் அறிவித்துள்ளார்.

சசிகாந்த் செந்தில் ஒரு ஊழல் பேர்வழி என்றும் அவர் மீது விசாரணை நடத்த வேண்டும் என்று கர்நாடகா மாநில மங்களூர் பகுதி கூட்டு நடவடிக்கைக் குழு 2019-ஆம் ஆண்டு செப்டம்பர் மாதம் 8-ஆம் தேதி நடைபெற்ற பத்திரிக்கையாளர் சந்திப்பில் கேட்டுக்கொண்டனர். இக்கூட்டு நடவடிக்கை குழு என்பது அப்பகுதியின் மணல் ஒப்பந்தக்காரர்கள், மணல் படகு உரிமையாளர் - தொழிலாளர்கள் மற்றும் கட்டிடப் பொருட்கள் டிரான்ஸ்போர்ட்டர்கள் மற்றும் தக்‌ஷின் கன்னடா மாவட்ட லாரி உரிமையாளர்கள் சங்கத்தின் பிரதிநிதிகள் அடங்கிய குழுவாகும்.