சுதந்திர தின விழா ஒத்திகை. சென்னையில் போக்குவரத்து மாற்றம் !

சுதந்திர தின விழா வருவதை முன்னிட்டு அதற்கான ஒத்திகையின் காரணமாக வருகின்ற 07, 09, மற்றும் 13.08.2021 ஆகிய 3 நாட்கள் போக்குவரத்து மாற்றங்கள் செய்யப்பட்டுள்ளது.

75வது சுதந்திர தினவிழா வருகின்ற 15.08.2021ம் தேதி சென்னை கோட்டையில் நடைபெறுகிறது. இதனை முன்னிட்டு வருகின்ற 07, 09, மற்றும் 13.08.2021 ஆகிய நாட்களில் சுதந்திர தின விழாவின் ஒத்திகை நிகழ்ச்சி நடைபெற உள்ளது.

இதனையொட்டி ஒத்திகை நிகழ்ச்சிகள் நடைபெறும் மூன்று நாட்கள் காலை 6.30 மணி முதல் 10 மணி வரைக்கும், கீழ்கண்ட இடங்களில் போக்குவரத்து மாற்றியமைக்கப்படுகிறது.

அதன்படி நேப்பியர் பாலம் முதல் போர் நினைவுச்சின்னம் வரை அமையப் பெற்றுள்ள காமராஜர் சாலை, போர் நினைவு சின்னத்திலிருந்து இந்திய ரிசர்வ் வங்கி சுரங்கப்பாதை வடக்கு பகுதி வரையிலும், இராஜாஜி சாலை மற்றும் கொடிமரச்சாலை ஆகிய சாலைகளில் அனைத்து வாகனங்கள் போக்குவரத்துக்கும் தடை விதிக்கப்படுகிறது.

மேலும், காமராஜர் சாலையிலிருந்து இராஜாஜி சாலை வழியாக பாரிமுனையை நோக்கி செல்லும் அனைத்து வாகனங்களும் சுவாமி சிவானந்தா சாலை, அண்ணாசாலை, முத்துசாமி பாலம், முத்துசாமி சாலை, ராஜா அண்ணாமலை மன்றம் மற்றும் வடக்கு கோட்டை பக்க சாலை வழியாக சென்று பாரிமுனைக்கு செல்லலாம். வாகன ஓட்டிகள் ஒத்துழைப்பு தரவேண்டும் என போக்குவரத்துக் காவல்துறை சார்பில் கேட்டுக்கொள்ளப்பட்டுள்ளது.

Source:puthiyathalaimurai

Image Courtesy:Live chennai

https://www.puthiyathalaimurai.com/newsview/112052/Independence-Day-Rehearsal-Change-in-Chennai-traffic-for-three-days