நர்சரி பள்ளிகள் திறப்பு எப்போது: தமிழக அரசு அறிவிப்பு!

நவம்பர் 1 முதல் மழலையர் மற்றும் நர்சரி பள்ளிகள் செயல்படலாம் என்று தமிழ்நாடு அரசு அறிவித்திருந்த நிலையில் தற்போதைக்கு பள்ளிகள் திறப்பு இல்லை என்று தமிழக அரசு அறிவித்துள்ளது.

தமிழகத்தில் கொரோனா தொற்று படிப்படியாக குறைந்து வரும் நிலையில் கடந்த 14ம் தேதி சில தளர்வுகளை அரசு அறிவித்தது. அதில் நவம்பர் 1 முதல் மழலையர் வி¬ளாட்டு பள்ளிகள், நர்சரி பள்ளிகள், எல்.கே.ஜி., யு.கே.ஜி. மற்றும் அங்கன்வாடி பள்ளிகள் முழுமையாக செயல்படலாம். பணிக்கு வருகின்ற காப்பாளர் மற்றும் சமையலர் உட்பட அனைவரும் தடுப்பூசி போட்டிருக்க வேண்டும் என அரசு அறிவிப்பில் கூறப்பட்டிருந்தது. இதனால் பள்ளிகள் திறக்கப்படும் என்ற நம்பிக்கையில் பெற்றோர்கள் தங்களது குழந்தைகளை பள்ளியில் சேர்ப்பதற்கு ஆர்வம் காட்டியிருந்தனர்.

இந்நிலையில், பள்ளிக்கல்வித்துறை அமைச்சர் அன்பில் மகேஷ், பிளே ஸ்கூல், எல்.கே.ஜி., யு.கே.ஜி. உள்ளிட்ட நர்சரி பள்ளிகள் திறப்பது பற்றிய அறிவிப்பு தவறுதலாக வந்துள்ளது என்றும் இது பற்றி தெளிவான அறிக்கை விரைவில் வெளியிடப்படும் என கூறியிருந்த நிலையில், மழலையர் மற்றும் நர்சரி பள்ளிகள் திறப்பு தற்போதைக்கு இல்லை என்று தமிழக அரசு அரசாணை வெளியிட்டுள்ளது. இந்த அறிவிப்பு மீண்டும் பெற்றோர்களிடையே குழப்பத்தை ஏற்படுத்தியுள்ளது.

Source: News 18 Tamilnadu

Image Courtesy:Hindustan Times