திண்டுக்கல்லில் மக்கள் நீதி மன்றம் மூலம் 84 வழக்குகளுக்கு தீர்வு.!

திண்டுக்கல் மாவட்டத்தில் மக்கள் நீதி மன்றம் மூலம் ரூ.3.68 கோடி தீர்வு தொகை வசூல் செய்யப்பட்டுள்ளது. 84 வழக்குகளுக்கு 9 அமர்வுகள் மூலம் நிரந்தர தீர்வு காணப்பட்டுள்ளது.

திண்டுக்கல்லில் லோக் அதாலத் என்ற மக்கள் நீதிமன்றம் மாவட்ட முதன்மை நீதிபதி ஜமுனா தலைமையிலும், நிரந்தர மக்கள் நீதிமன்றம் தலைவர் புவனேஸ்வரி முன்னிலையில் நடைபெற்றது. இதில் மாவட்டத்தில் உள்ள நிலுவையில் இருந்த 84 வழக்குகளுக்கு 9 அமர்வுகள் மூலம் நிரந்தர தீர்வு காணப்பட்டு ரூ.3 கோடியே 68 லட்சத்து 20 ஆயிரத்து 46 தீர்வு தொகையாக வசூல் செய்யப்பட்டுள்ளது.

ஒரே நேரத்தில் இவ்வளவு வழக்குகள் தீர்வு காணப்பட்டதற்கு பொதுமக்கள் நீதித்துறைக்கு நன்றியை தெரிவித்துள்ளனர்.