லாக்டவுனில் செயல்படும் அம்மா உணவகம்.!
தமிழகத்தில் கடந்த ஒரு வாரத்திற்கு மேலாக 10 ஆயிரத்தை கடந்து கொரோனா தொற்று எண்ணிக்கை பதிவாகி வருகிறது.
தமிழகத்தில் அதிகரித்து வரும் கொரோனா தொற்றை கட்டுப்படுத்தும் விதமாக இன்று முழு ஊரடங்கு அமல்படுத்தப்பட்டுள்ளது. இதனிடையே ஏழை, எளிய மக்கள் பாதிப்பு அடையாமல் இருப்பதற்காக அம்மா உணவகம் இன்று வழக்கம் போல் செயல்படும் என அறிவிப்பு வெளியிடப்பட்டது.
தமிழகத்தில் கடந்த ஒரு வாரத்திற்கு மேலாக 10 ஆயிரத்தை கடந்து கொரோனா தொற்று எண்ணிக்கை பதிவாகி வருகிறது. இதனை கட்டுப்படுத்த தமிழக அரசு கடந்த 20ம் தேதி முதல் இரவுநேர ஊரடங்கை அமல்படுத்தியுள்ளது.
அதே நேரத்தில் ஞாயிற்றுக்கிழமைகளில் முழு ஊரடங்கு கடைப்பிடிக்கப்படும் என அறிவிப்பு வெளியிட்டது. அதன்படி இன்று தமிழகம் முழுவதும் முழு ஊரடங்கு கடைப்பிடிக்கப்பட்டு வருகிறது.
இந்நிலையில், இன்று தமிழகம் முழுவதும் அம்மா உணவகங்களில் மூன்று வேளையும் உணவுகள் தயார் செய்யப்பட்டு, ஏழை மக்களுக்கு வழங்கப்பட்டு வருகிறது. தமிழகம் முழுவதும் பல லட்சம் மக்கள் இதன் மூலம் பயன்அடைவார்கள்.