ரயில் நிலையத்துக்குள் மசூதி- பத்திரிக்கையாளர் பதிவிட்ட புகைப்படத்தால் பரபரப்பு.!
ரயில் நிலையத்துக்குள் மசூதி- பத்திரிக்கையாளர் பதிவிட்ட புகைப்படத்தால் பரபரப்பு.!
டெல்லி சந்தினி சவுக் பகுதியில் வளர்ச்சிப் பணிகளின் ஒரு பகுதியாக, சாலை அமைக்க பிரசித்தி பெற்ற அனுமார் கோவில் இடையூறாக இருப்பதாக பிரச்சினை எழுந்ததைத் தொடர்ந்து கோவிலை இடிக்க டெல்லி உயர்நீதிமன்றம் உத்தரவிட்டது. பக்தர்கள் மற்றும் இந்து அமைப்புகளின் கடும் எதிர்ப்பையும் மீறி இந்த உத்தரவை டெல்லி அரசு நிறைவேற்றியுள்ளது.
ஆக்கிரமிக்கப்பட்ட நிலத்தில் இருந்ததால் நீதிமன்றம் 100 ஆண்டுகளுக்கும் மேல் கோவிலை இடிக்க உத்தரவிட்டது இந்துக்களிடையே அதிருப்தியை ஏற்படுத்தியுள்ளது. இந்நிலையில் டெல்லி ரயில் நிலையத்தின் பிளாட்பாரத்தில் கரீப் ஷா மசூதி என்ற பெயரில் ஒரு கட்டிடம் அமைந்துள்ள தகவல் தெரிய வந்ததால் அதை நீக்க வேண்டும் என்று கோரிக்கை எழுந்துள்ளது.
Platform no. 2 & 3, New Delhi Railway station. Is this legal? pic.twitter.com/47dflSsHEg
— Shashank Shekhar Jha (@shashank_ssj) January 5, 2021
கோவா கிரானிக்கிள்ஸ் என்ற பத்திரிகையில் ஆசிரியராக பணியாற்றி வரும் சஷாங்க் சேகர் ஜா டெல்லி ரயில் நிலைய பிளாட்பாரத்தில் அமைந்துள்ள இந்த மசூதியை புகைப்படம் எடுத்து தனது ட்விட்டர் பக்கத்தில் பதிவிட்ட நிலையில், பொது இடத்தில் அமைந்துள்ள இந்த மத வழிபாட்டுத் தலத்தையும் அகற்ற வேண்டும் என்று கோரிக்கைகள் வலுத்துள்ளன.
பொது இடங்களை ஆக்கிரமித்து கட்டப்பட்டு இருக்கும் மத வழிபாட்டுத் தலங்கள் அகற்றப்பட வேண்டும் என்று கூறியே டெல்லி நீதிமன்றம் சாந்தினி சவுக் அனுமார் கோவிலை இடிக்க உத்தரவிட்டது குறிப்பிடத்தக்கது. இதை சுட்டிக் காட்டி கரீப் ஷா மசூதியும் இடிக்கப்பட வேண்டும் என்று பலரும் கோரிக்கை விடுத்து வருகின்றனர்.
Complaint filed with @RailMinIndia @RailwayNorthern @PiyushGoyal ji @drmdelhi fr immediate demolition of illegal religious structure from the Platform of NewDelhi Railway station
— Kalinga Rights Forum (@KalingaForum) January 5, 2021
Sought physical inspection of all platforms of all Railway zones by DRMs &removal of such structures pic.twitter.com/XgfM4sNmS7