பிரதமர் மோடி காலத்தின் குழந்தைகள் இவர்கள் தான்: மத்திய அமைச்சர் கூறியது யாரை?

உத்தரபிரதேசத்தில் உள்ள ஹசன்பூர் சட்டமன்ற தொகுதியில் முதல்முறை வாக்காளர்கள் கூட்டத்தில் அமைச்சர் உரையாற்றுகிறார். இன்னும் 25 ஆண்டுகளுக்குப் பிறகு இந்தியா 100 ஆண்டு சுதந்திரத்தைக் கொண்டாடும் நேரத்தில் இப்போது முதல் முறையாக வாக்களிப்பவர்கள், இந்திய சமூகத்தின் முக்கிய வாக்காளர்களாகவும் கருத்து உருவாக்குபவர்களாகவும் வாய்ப்புப் பெறுவார்கள் என டாக்டர். ஜிதேந்திர சிங், 18 வயதை எட்டிய முதல் முறை வாக்காளர்கள் மோடி காலத்தின் குழந்தைகள் என்றும் அது அவர்களின் மிகப்பெரிய ஆசீர்வாதம் மற்றும் நன்மை என்றும் கூறினார்.

உத்தரப்பிரதேச மாநிலம், அம்ரோஹா மாவட்டத்தில் உள்ள ஹசன்பூர் சட்டமன்றத் தொகுதியில் முதல்முறை வாக்காளர்கள் கூட்டத்தில் உரையாற்றிய டாக்டர் ஜிதேந்திர சிங், இந்த புதிய இளம் வாக்காளர்கள் தங்கள் வாக்குரிமையைப் பயன்படுத்துவதற்கான வாய்ப்பைப் பெறுவதால் அவர்கள் இந்தியாவில் மோடி தலைமையிலான நம்பிக்கை மற்றும் முன்னேற்றம் நோக்கிய பயணம் நிறைந்த ஆட்சிக்கு வாக்களிப்பார்கள் என்று கூறினார். சுதந்திரத்திற்குப் பிறகு முந்தைய இரண்டு தலைமுறை இளைஞர்கள் அவநம்பிக்கை மற்றும் மரியாதை இல்லாத சூழ்நிலையில் இருந்த அவலத்திற்கு இது முற்றிலும் மாறுபட்ட ஒன்று என்று அவர் கூறினார்.

நாட்டில் தங்கியிருப்பதன் மூலம் தமக்கான எதிர்கால நம்பிக்கையை பெற்றுக் கொள்ள முடியாத காரணத்தினால் இளைஞர்கள் பலர் வெளிநாடுகளுக்குச் சென்றனர் என்று அமைச்சர் குறிப்பிட்டார். தற்போது அந்த போக்கு மாறிவிட்டது என்று டாக்டர் ஜிதேந்திர சிங் கூறினார். இந்திய இளைஞர்கள் மரியாதையுடன் பார்க்கப்படுவது மட்டுமல்லாமல் இந்தியாவை விட்டு வெளியேறிய இளைஞர்களும் திரும்பி வந்து தங்களுக்கு முன்னால் உள்ள வாய்ப்புகளை ஆராய விரும்புகிறார்கள்.

Input & Image courtesy: News