கதவை அடைத்து வைத்து பெற்ற மகனின் குடும்பத்தை கொளுத்திய பைசல் ஹமீது - கண் முன்னே பேரக்குழந்தைகள் உட்பட 4 பேர் துடி துடித்து எரிந்த பரிதாபம்!

கேரள மாநிலம், தொடுபுழா சீனிக்குழியில் சனிக்கிழமை நள்ளிரவு 12.30 மணியளவில் கொடூர கொலை சம்பவம் இடம்பெற்றுள்ளது. அப்துல் பைசல் (45), மனைவி ஷீபா (45), மகள்கள் மெஹர் (16), அப்சனா (14) ஆகியோர் உயிரிழந்தனர்.

குடும்ப சொத்து தகராறில், பைசல் மற்றும் அவரது குடும்பத்தினரை, பைசலின் தந்தை ஹமீது கொடூரமாக கொலை செய்ததாக போலீஸ் வட்டாரங்கள் தெரிவித்தன. கொலை வழக்கில் ஃபைசலின் தந்தை ஹமீதை (79) போலீசார் கைது செய்து அவரிடம் தொடர்ந்து விசாரணை நடத்தி வருகின்றனர். இந்த கொலை முன்கூட்டியே திட்டமிட்டு நடத்தப்பட்டதாக கூறப்படுகிறது.

உறங்கிக் கொண்டிருந்த குடும்பத்தை ஹமீத் தீ வைத்து எரித்தார். தண்ணீர் தொட்டிகளை காலி செய்துவிட்டு, வீடு மற்றும் பக்கத்து வீடுகளுக்கான மின் இணைப்பு மற்றும் குடிநீர் இணைப்புகளை துண்டித்து, வீட்டின் அனைத்து கதவுகளையும் பூட்டிவிட்டு சென்றதாகவும் தெரிகிறது. வீட்டில் பெட்ரோலையும் பதுக்கி வைத்திருந்தார்.

நள்ளிரவில் பைசல் வீட்டில் இருந்து அலறல் சத்தம் கேட்டு அப்பகுதி மக்கள் விரைந்து வந்து பார்த்தபோது, ​​வீட்டில் இருந்து புகை மற்றும் தீ பரவுவதைக் கண்டனர். அப்போது வீட்டின் முன்பக்க கதவு பூட்டப்பட்டிருந்தது கண்டுபிடிக்கப்பட்டது. அவர்கள் கதவை உடைத்து வீட்டிற்குள் நுழைந்தனர், ஆனால் பைசலின் அறை வெளியில் இருந்து பூட்டப்பட்டிருப்பதைக் கண்டனர்.அங்கு இருந்த பக்கத்து வீட்டுக்காரர்களில் ஒருவரான ராகுல், பைசலின் மகள்கள் உதவி கேட்டு தனக்கு போன் செய்ததாக கூறினார். அப்போதும் ஹமீது பெட்ரோல் நிரப்பிய பாட்டில்களை வீட்டுக்குள் வீசியதையும், பின்னர் அங்கிருந்து தப்பியோடியதையும் தான் பார்த்ததாக அவர் கூறினார்.

சம்பவத்துக்குப் பிறகு உறவினர் வீட்டுக்குச் சென்ற ஹமீத் குற்றத்தை ஒப்புக்கொண்டார்.சொத்து தகராறு காரணமாக ஹமீதுக்கும் அவரது மகனுக்கும் நீண்ட நாட்களாக சண்டை இருந்தது.

ஹமீது தனது மகன் மற்றும் குடும்பத்துடன் தொடுப்புழாவில் வசித்து வந்தார், ஆனால் பின்னர் சில ஆண்டுகளுக்கு முன்பு மணியன்குடிக்கு மாறினார். அப்போது ஹமீது 50 சென்ட் நிலத்தை தனது மகன் பெயரில் எழுதி வைத்திருந்தார். 2018 இல், ஹமீத் தொடுப்புழாவுக்குத் திரும்பினார், மேலும் தனது நிலத்தை திரும்பக் கோரினார். அப்போதுதான் அவர்களுக்குள் விரிசல் தொடங்கியது. இதில் பஞ்சாயத்து உறுப்பினர் உட்பட பலர் தலையிட்டு இரு தரப்பினருக்கும் இடையே சமரசம் ஏற்படுத்த முயன்றனர். பைசல் மற்றும் அவரது குடும்பத்தினர் தொடுபுழாவில் உள்ள வீட்டை விட்டு வெளியேற முடிவு செய்தனர், அதற்கான ஏற்பாடுகள் முழு வீச்சில் நடந்து வருகின்றன.

பைசல் புதிய வீட்டிற்கு வீட்டு உபயோகப் பொருட்களை வாங்கி, ரமலான் மாதத்திற்குப் பிறகு குடி மாற்ற முடிவு செய்திருந்தார். அதற்குள் இப்படி ஒரு சம்பவம் நடந்துவிட்டது.