மத வேறுபாடுகள் இன்றி விதிமுறைகளை மீறிய கூம்பு வடிவ ஒலிபெருக்கிகள் அகற்றம் - யோகி அரசு அதிரடி

உத்திரபிரதேசத்தில் 11,000 அங்கீகரிக்கப்படாத கூம்பு வடிவ ஒலிபெருக்கிகள் மத ஸ்தலங்களிலிருந்து அகற்றப்பட்டன என்றும் 35,000 ஒலிபெருக்கிகள் அரசாங்க உத்தரவைத் தொடர்ந்து உத்தரபிரதேசம் முழுவதும் அனுமதிக்கப்பட்ட வரம்புகளுக்குள் அமைக்கப்பட்டுள்ளன என்று காவல்துறை இயக்குநர் (சட்டம் மற்றும் ஒழுங்கு) பிரசாந்த் குமார் நேற்று ஊடகங்களிடம் தெரிவித்துள்ளார்.

மேலும் மதம் பாரபட்சமின்றி அனைத்து மத வழிபாட்டுத் தலங்களில் இருந்தும் ஒலிபெருக்கிகள் அகற்றப்பட்டு வருவதாகவும் அவர் கூறினார். இந்த நடவடிக்கையின் கீழ், மொத்தம் 10,923 ஒலிபெருக்கிகள் அகற்றப்பட்டு, புதன்கிழமை மாலை வரை அனுமதிக்கப்பட்ட வரம்புகளுக்குள் 35,221 ஒலிபெருக்கிகள் அமைக்கப்பட்டுள்ளன என்று பிரசாந்த் குமார் கூறியது குறிப்பிடத்தக்கது.

இந்த நடவடிக்கை குறித்து மேலும் கூறப்பட்ட விளக்கத்தில் 'அகற்றப்படும் ஒலிபெருக்கிகள் அங்கீகாரமற்றவை. ஒலிபெருக்கிகள் மாவட்ட நிர்வாகத்திடம் உரிய அனுமதி பெறாமல் வைக்கப்பட்டுள்ளது மேலும் அவைகள் அனுமதிக்கப்பட்ட எண்ணிக்கையை விட அதிகமாக வைக்கப்படும் ஒலிபெருக்கிகள்' என அந்த அறிக்கையில் குறிப்பிடப்பட்டுள்ளது. மேலும் ஒலிபெருக்கி தொடர்பான உயர் நீதிமன்ற உத்தரவுகளும் பயிற்சியின் போது பரிசீலிக்கப்படுகிறது என்றார்.

முதலமைச்சர் யோகி ஆதித்யநாத், கடந்த வாரம் இங்கு மூத்த அதிகாரிகளுடன் நடைபெற்ற சட்டம்-ஒழுங்கு குறித்த ஆய்வுக் கூட்டத்தில், மக்கள் தங்கள் நம்பிக்கையின்படி தங்கள் மதப் பழக்கங்களைச் செய்ய சுதந்திரம் இருப்பதாகக் கூறியதைத் தொடர்ந்து நடவடிக்கை எடுக்கப்பட்டது. மேலும் 'மைக்ரோஃபோன்களைப் பயன்படுத்த முடியும் என்றாலும், எந்த வளாகத்திலிருந்தும் ஒலி வெளிவராமல் பார்த்துக் கொள்ள வேண்டும். மக்கள் எந்த பிரச்னையையும் சந்திக்கக்கூடாது,'' என்றார்.