"ஓசி தேங்காய் முதல் ஓசி பிரியாணி வரை ஒன்றையும் விடாதவர்கள் புத்தரை போல் பேசலாமா?" - அமைச்சர் ராஜேந்திர பாலாஜி கடுமையான சாடல் #DMK #MKStalin #Udhayanithi @RajBhalajioffl

தி.மு.க'வையும் அதன் தலைமையின் நடவடிக்கைகளையும் சமூக ஊடகம் முதல் சாமானியன் வரை மட்டுமல்லாது அமைச்சரவையில் இடம் பெற்றவர்கள் கூட கலாய்த்து தள்ளுகின்றனர். அந்த வகையில் அமைச்சர் ராஜேந்திர பாலாஜி தனி சிறப்பு வாய்ந்தவர். தற்பொழுது ஒரு அறிக்கை ஒன்றை சமூக வலைதளம் வழியாக விடுத்துள்ளார் அதில் தி.மு.க'வின் செயல்பாடுகளையும் அதன் தலைமையையும் சகட்டுமேனிக்கு விளாசி தள்ளியுள்ளார்.

அதில், "சீவிச் சிங்காரித்து, சிகை அலங்காரம் செய்துகொண்டு மூன்று கேமராக்கள் முன்னால் வடநாட்டு வாத்தியார் எழுதித் தரும் அறிக்கைகளை வாசித்து கொரோனா காலத்திலும் இடைவிடாது படப்பிடிப்பு அரசியல் நடத்தும் முக.ஸ்டாலின் சட்டம் ஒழுங்கு குறித்தெல்லாம் சவுடால் பேசலாமா?

பத்திரிக்கை ஊழியர்களை பட்டப்பகலில் படுகொலை செய்தவர்கள், பால்மலரை எரித்து கொன்று மூட்டை கட்டி முட்புதரில் எறிந்தவர்கள், புத்தரை போன்று நடிக்கலாமா?

நில அபகரிப்புகளால் மக்களின் நிம்மதியை குலைத்தவர்கள், சைகோ கொலைகள் சரம் சரமாய் படுகொலைகள் என சட்டம் ஒழுங்கை சீரழித்தவர்கள், உத்தமர் வேஷம் போடலாமா?