இன்று நவராத்திரி 3 –ஆம் நாள் !! திருமணத்தின்போது சந்திரகாந்தாவாக மாறி பிசாசுகளை விரட்டிய துர்காவின் கதை!!

புராணக்கதைப்படி, சிவபெருமான் எந்தப் பெண்ணையும் திருமணம் செய்ய மாட்டேன் என்று சொன்னதைத் தொடர்ந்து பார்வதி தேவி பெரும் துன்பத்துக்கு ஆளானார். இருப்பினும், அவளுடைய துன்பங்கள் சிவனையும் துன்பத்தில் மூழ்கடித்தன. இதனால் சிவன் தனது மனதை மாற்றிக் கொண்டு பார்வதியுடன் முறைப்படி ஐக்கியமாக ஒப்புக் கொண்டார். திருமணத்தின் போது சிவபெருமானுடன் ஊர்வலத்தில் மற்ற சிவ கணங்களான துணை தெய்வங்களும், மனிதர்கள் பலரும், ஏராளமான பூதங்களும் அவற்றுடன் பல பேய், பிசாசுகளும் வந்ததாக கூறப்படுகிறது.

இவற்றைக் கண்ட பார்வதியின் பெற்றோர் பயந்து போனார்கள்.  à®ªà®¾à®°à¯à®µà®¤à®¿à®¯à®¿à®©à¯ தாயார் பயத்தில் மயங்கி கீழே விழுந்து போனாராம். அப்போது பார்வதி தனது குடும்பத்தை காப்பாற்றுவதற்காக சந்திரகாந்தமாக தன்னை மாற்றிக் கொண்டு சுய வடிவத்தை எடுத்துக் கொண்டாளாம். பார்வதியின் உருவத்தைக் கண்ட பேய்களும் பிசாசுகளும் மாயமாய் மறைந்து போக அதன் பிறகு நிலைமை சீரடைந்து அழகான இளவரசன் போல பொன்னாபரணங்களுடன் சிவன் தோன்றி இரு தரப்பு வாழ்த்துக்களுடன் திருமணம் மகிழ்ச்சியில் நிறைவேறியதாக ஐதீகம் உண்டு.

அவள் மிகவும் அமைதியானவள் என்றாலும், தூண்டப்படும்போது, அவளுடைய கோபத்திற்கு எல்லையே கிடையாது. அப்போது யாராலும் எதிர்க்க முடியாத கடுமையான போர் தோற்றத்தில் இருப்பாள். தீமையையும் அதை உண்டாக்கும் பேய்களையும், பிசாசுகளையும் ஒழிக்க அவள் எப்போதும் தயாராக இருக்கிறாள். பாரதத்தாயாக எப்போதும் நம்முடன் இருந்து நம்மை ஒற்றுமையாக காப்பதுடன் பகைவர்களை காணாமல் செய்திடுவாள்.  எனவே இன்றைய மூன்றாம் நாள் அவதாரம் மிகவும் சிறப்புடையது ஆகும் .