'நிலைமையை சிக்கலாக்கும் நடவடிக்கைகளை தவிர்க்க வேண்டும்' என சீனாவை வெளுத்து வாங்கிய இந்தியா.!

சீனாவைப் பற்றி ஒரு மறைமுக விமர்சனமாக, பாதுகாப்பு அமைச்சர் ராஜ்நாத் சிங் இன்று தென்கிழக்கு ஆசிய நாடுகளின் கூட்டமைப்பான ஆசியான் அமைப்பின் பாதுகாப்பு அமைச்சர்களிடையேயான உரையாடலில், உறுப்பு நாடுகளை சுய கட்டுப்பாட்டைக் கடைப்பிடிக்கவும், நிலைமையை சிக்கலாக்கும் நடவடிக்கைகளைத் தவிர்க்கவும் என்று அவர் கூறினார்.

ஆசியான் பாதுகாப்பு அமைச்சர்கள் சந்திப்பு பிளஸ்’இன்  கூட்டத்தின் போது ராஜ்நாத் சிங் இந்த கருத்துக்களைக் கூறியபோது, சீனப் பாதுகாப்பு அமைச்சர் வீ ஃபெங்கேவும் உடனிருந்தார்.

"நாங்கள் பரஸ்பர நம்பிக்கையை மேம்படுத்துகையில், நடவடிக்கைகளில் தன்னடக்கத்தைக் கடைப்பிடிப்பது மற்றும் நிலைமையை மேலும் சிக்கலாக்கும் செயல்களைத் தவிர்ப்பது, பிராந்தியத்திற்கு நிலையான அமைதியைக் கொண்டுவருவதில் நீண்ட தூரம் அழைத்துச் செல்லும்" என்று ராஜ்நாத் சிங் தனது உரையில் கூறினார்.

ஆசியாவில் ஒரு பன்மைத்துவ மற்றும் கூட்டுறவு பாதுகாப்பு ஒழுங்கிற்கான உரையாடல் மற்றும் ஈடுபாட்டை ஊக்குவிப்பதில் ADMM பிளஸ் உள்ளிட்ட ஆசியன் தலைமையிலான மன்றங்களின் மையப் பங்கை அவர் பாராட்டினார். ஆசியான் மற்றும் அதன் எட்டு உரையாடல் கூட்டாளர்களான ஆஸ்திரேலியா, சீனா, இந்தியா, ஜப்பான், நியூசிலாந்து, தென் கொரியா, ரஷ்யா மற்றும் அமெரிக்கா ஆகிய 10 உறுப்பினர்களைக் கொண்ட ஏ.டி.எம்.எம் பிளஸ், அமைதி மற்றும் மேம்பாட்டுக்கான பாதுகாப்பு மற்றும் ஒத்துழைப்பை வலுப்படுத்த 2010 இல் உருவாக்கப்பட்டது. இந்த ஆண்டு கூட்டத்திற்கு வியட்நாம் தலைமை தாங்கியது.