ஸ்ரீராமரை பற்றி பேசி சர்ச்சையில் சிக்கிய வைரமுத்து: பா.ஜ.க இளைஞரணி மாநிலத்தலைவர் கண்டனம்!

சென்னை கம்பன் கழகத்தின் 51வது ஆண்டு விழாவின் போது நடைபெற்ற நிகழ்ச்சியில் பேசிய வைரமுத்து, தமிழ் காவியமான கம்ப ராமாயணம், வால்மீகியின் ராமாயணத்தில் முந்தைய சித்தரிப்புகளுக்கு மாறாக, ராமரின் சித்தரிப்பை எவ்வாறு மறுவடிவமைத்தது, தெய்வத்திற்கு இலக்கிய மீட்பை வழங்கியது - இதை அவர் எவ்வாறு செய்தார் என்பது பற்றி விரிவாகப் பேசி சர்ச்சையை ஏற்படுத்தினார். ராமாயணத்தில் ராமரின் செயல்களை விளக்குவதன் மூலம், வாலி அத்தியாயத்திற்கும் இந்திய தண்டனைச் சட்டத்தின் பிரிவு 84 இன் கீழ் மனநிலை சரியில்லாத நபர்கள் செய்த குற்றங்களுக்கு எப்படி தண்டனை இல்லையோ அது போல் ராமரும் மனநிலை சரியில்லாத நிலையில் செய்த குற்றங்களுக்கு சட்டத்தை தண்டனை இல்லை என்பது போன்று பேசி சர்ச்சையை ஏற்படுத்தி இருக்கிறார்.

தமிழ் கவிஞர் கம்பனின் கம்பராமாயணத்தை வைரமுத்து விளக்குகிறார். "ராமர் சீதையிடமிருந்து பிரிந்த பிறகு மன தெளிவை இழந்தவராக சித்தரிப்பதன் மூலம் ராமரை "காப்பாற்றினார்" கம்பர் என்று கூறுகிறார். இது, மனநிலை சரியில்லாத ஒருவரை குற்றவியல் பொறுப்பில் எடுக்க முடியாது என்ற ஐபிசி விதியைப் போன்றது என்று அவர் கூறினார். மனதை இழந்த ஒருவர் செய்யும் குற்றம் குற்றமல்ல. இந்திய தண்டனைச் சட்டத்தின் பிரிவு 84, மனநலக் கோளாறால் மனம் இழந்த ஒருவரை அவர் செய்த செயலுக்கு குற்றவாளியாகக் கருத முடியாது என்று கூறுகிறது".

மேலும் இவருடைய இந்த கருத்துக்கு பல்வேறு தரப்பிலிருந்து கண்டன குரல்கள் எழுந்து வருகிறது. குறிப்பாக, பா.ஜ.க இளைஞரணி மாநிலத்தலைவர் எஸ்.ஜி.சூர்யா அவர்களும் இதற்கு கண்டனம் தெரிவித்து இருக்கிறார். இது பற்றி அவர் கூறும் பொழுது,"கவிச்சக்கரவர்த்தி கம்பன் பெயரில் விருது வாங்கிக்கொண்டு, அதே மேடையில் நின்று, கோடிக்கணக்கான மக்கள் வணங்கும் பகவான் ஸ்ரீராமரை ‘புத்தி ஸ்வாதீனம் இல்லாதவர்' என்று கவிஞர் வைரமுத்து பேசியிருப்பது அப்பட்டமான ஆணவத்தின் வெளிப்பாடு. இது வன்மையாகக் கண்டிக்கத்தக்கது" என்று கூறியிருக்கிறார்.